Më tepër se 100 kafshë të egra, përfshirë edhe tetë rinoqerontë të rrallë, kanë ngordhur në vërshimet e fundit në një park nacional në veri-lindje të Indisë, bën të ditur BBC.
Parku Kaziranga në shtetin Assam është shtëpi e popullatës më të madhe të rinoqerontëve njëbrirësh, që janë përballur me zhdukje në fillim të këtij shekulli.
Por, vërshimet e shkaktuara nga shiu këtë vit ka bërë që 85 për qind e parkut të jetë nën ujë. Në vërshimet kanë vdekur së paku 190 persona dhe janë zhvendosur miliona në Assam dhe në Nepal.
Parku Kaziranga është shtëpi e afro 2400 rinoqerontëve njëbrirësh.
Zyrtarët e parkut kanë treguar se tetë nga rinoqerontët janë mbytur në ujë në shirat e fundit, ndërsa një tjetër ka ngordhur nga shkaqe të natyrshme muajin e kaluar.
Disa kafshë tjerë, si drerë, dema e iriqë, po ashtu kanë ngordhur, shumica nga përmbytjet. Ndonëse disa edhe janë goditur nga veturat ndërsa njerëzit kanë tentuar të ikin nga vërshimet.
Edhe
Mbi 100 të vdekur nga shirat e dendur në Indi e Nepal
Nëpër Assam, shirat kanë përmbytur shumë fshatra. Janë ngritur qindra kampe për t’u strehuar banorët e zhvendosur.
Shirat dhe rrëshqitjet e tokës janë të zakonshme në verilindje të Indisë dhe në shtetet fqinje. Por, këtë vit kanë ardhur në kohën kur India është duke luftuar për të parandaluar përhapjen e koronavirusit. Në India janë raportuar mbi një milionë raste me COVID-19.
