Mbërrin në 31 numri i të infektuarve me koronavirus në Maqedoninë e Veriut, mjekë shtesë do të dërgohen në Dibër

Ministri i Shëndetësisë i Maqedonisë së Veriut, Venko Filipçe, në konferencën e të së martes i ka konfirmuar edhe pesë raste të reja me koronavirus, gjë që e ngrit në 31 numrin e të infektuarve në këtë shtet.

Rastet e reja janë katër punonjës shëndetësorë të Spitalit të Dibrës dhe një grua, bashkëshortja e njërit prej të prekurve që u konfirmua të marten, raporton Alsat-M.

Filipçe ka thënë se për shkak se në spitalin e Dibrës janë infektuar edhe dy mjekë të tjerë dhe dy infermiere, Ministria e Shëndetësisë ka vendosur të çojë dy mjekë shtesë, pulmologë, nga Klinika e Pulomologjisë së Shkupit. Ai u apeloi edhe një herë qytetarëve të qëndrojnë në shtëpi dhe të mos dalin pa nevojë.