Presidenti i Francës, Emmanuel Macron, e ka quajtur shtypjen e përgjakshme të protestuesve algjerianë në Paris 60 vjet më parë si “krim të pafalshëm”.
Më 17 tetor të vitit 1961, policia franceze kishte shtypur dhunshëm protestën e algjerianëve. Disa ishin qëlluar për vdekje, ndërsa disa ishin mbytur.
Numri i saktë i viktimave nuk dihet, por disa thonë se qindra kanë humbur jetën.
Macron është presidenti i parë francez që merr pjesë në memorialin e kësaj dite.
Ai i është bashkuar ceremonisë përkujtimore në afërsi të brigjeve të lumit Sena, që ishte pikënisje e marshimit të vitit 1961.
Macron i tha familjarëve të viktimave se janë kryer krime nën komandën e shefit famëkeq të Policisë së Parisit, Maurice Papon. Papon është zbuluar në vitet 1980-ta se ka bashkëpunuar me forcat naziste gjatë Luftës së Dytë Botërore, duke i transferuar hebrenjtë në kampet e vdekjeve.
-
Macron: Do të ndalojmë demonstratat që s’janë të organizuara nga sindikatat
-
Qeveria e Francës nën presion pas dhunës së përhapur gjatë fundjavës
-
Macron: Ata që u përpoqën ta rrëzojnë Republikën do të mbahen përgjegjës
-
Macroni thotë se civilët dhe gazetarët duhet të mbrohen
-
Macroni i quan “lëvizje të paprecedentë” trazirat në Kaldoninë e Re