Një foshnje 7-muajshe dhe një 15-vjeçar ishin në mesin e të vdekurve në qytetin verilindor të Ukrainës. Nëna dhe gjyshja e adoleshentit qanin mbi trupin e tij teksa ekipet arritën për të marrë atë.
Forcat me shpejtësi kanë ashpërsuar sulmet në Kiev, perëndim të Ukrainës, në shenjë përkujtimi për ukrainasit dhe përkrahësit e tyre perëndimorë se krejt shteti është nën kërcënim, ani pse ngadalë ka nisur sulmin e ri në lindje.
Të inatosur nga fundosja e luftanijes në Detin e Zi dhe sulmeve ukrainase në territoret ruse, komanda e ushtrisë së Rusisë ka kërcënuar me sulme të reja ndaj kryeqytetit të Ukrainës. Zyrtarët në Moskë kanë thënë se cak i tyre janë bazat ushtarake, qëndrim të cilin e kanë mohuar dëshmitarët gjatë 52 ditëve të luftës.
Numri i të vdekurve ka vazhduar të ngrihet. Çdo ditë çel me civilë të vrarë në një pushtim që ka shkundur themelet e sigurisë së Evropës. Autoritetet ukrainase kanë bërë të ditur se një zonë banimi në Kharkov është goditur me seri raketash të premten, duke lënë të vdekur së paku 10 persona, ndërkaq janë plagosur 35 të tjerë.
Vaji i nënave
Një foshnje 7-muajshe dhe një 15-vjeçar ishin në mesin e të vdekurve në qytetin verilindor të Ukrainës. Nëna dhe gjyshja e adoleshentit qanin mbi trupin e tij, teksa ekipet arritën për të marrë atë.
Edhe
Vaji i nënave në Kharkiv
“Më lejoni ta shoh! Djali im si rreze dielli. Sapo folëm sot, përse më duhet të jetoj kur ti më nuk je. Jetova për ty, moj rreze dielli. Mallkoj të gjithë. Nuk duhet të gjejnë paqe, as në tokë e as në qiell”, ka thënë gjyshja e Artem Shevchekos.
Në korridorin e ndërtesës tjetër, një vajzë nuk i mbajti lotët teksa kujtoi bombardimin.
“Ishte shpërthim i madh, tentova të ikja. Bomba ra afër meje. Nisa vrapin përsëri. Një grua, Zoti e bekoftë, më mbuloi me trupin e saj”, ka thënë Karolina Fursova.
Jashtë nëpër rrugë, njerëz të përgjakur që prisnin për mjekim.
Në mesin e automjeteve të djegura dhe rrënojave, një banor i Kharkovit ndihmoi ekipet emergjente që të merrnin trupin e pajetë të shokut të tij. Mallkon ushtrinë ruse.
“Çfarë u bënë rusëve këta njerëz? Çfarë u bëri 12-vjeçari? Ai erdhi i vdekur. A u bëri ndonjë të keqe? Po fëmijët e lënduar? Gratë? Çfarë u bëri miku im që u vra? Me kënd të bëjmë paqe? Me këta përbindësha?”, ka thënë Sergey Kirhichenko.
Ndërkaq, Ministria ruse e Mbrojtjes është arsyetuar se cak i sulmeve me raketa ishte një grup i mercenarëve polakë, mirëpo banorët e zonës së Kharkivit thonë se aty nuk kishte asgjë ushtarake.
Në rajonin e Kievit, autoritetet ukrainase kanë raportuar se kanë gjetur trupat e më shumë se 900 civilëve, shumica e të vrarëve, që kur trupat ruse u tërhoqën dy javë më parë. Tymi u ngrit sërish nga kryeqyteti herët të shtunën pasi kryebashkiaku Vitali Klitschko raportoi për sulmin në të cilin mbeti i vdekur një person dhe u plagosën dhjetëra të tjerë.
Kryetari i Kievit u ka bërë thirrje banorëve që u larguan nga qyteti që të mos kthehen.
“Ne nuk po përjashtojmë sulmet e mëtejshme në kryeqytet”, ka thënë Klitschko. “Nëse keni mundësinë të qëndroni pak më gjatë në qytetet ku është më e sigurt, bëjeni”.
Nuk ishte e qartë menjëherë nga toka se çfarë u godit në sulmin e së shtunës në lagjen Darnytskyi të Kievit. Skaji juglindor i kryeqytetit përmban përzierje të blloqeve të apartamenteve të stilit sovjetik, qendrave më të reja tregtare dhe pikave të shitjes me pakicë, zona industriale dhe kantiere hekurudhore.
Qëndrimi i Rusisë
Zëdhënësi i Ministrisë ruse të Mbrojtjes, Igor Konashenkov, ka deklaruar se një fabrikë automjetesh të blinduara ishte në shënjestër. Ai nuk specifikoi se ku ndodhet fabrika, por një e tillë është në Darnytskyi.
Ai ka thënë se fabrika ishte në mesin e vendeve të shumta ushtarake ukrainase të goditura me “armë me saktësi të lartë me rreze të gjatë të lëshuar nga ajri”. Ndërsa SHBA-ja dhe Evropa dërgojnë armë të reja në Ukrainë, strategjia mund të synojë të pengojë mbrojtjen e Ukrainës përpara asaj që pritet të jetë një sulm i plotë rus në lindje.
Ky ishte sulmi i dytë në zonën e Kievit që kur ushtria ruse u zotua këtë javë për të rritur sulmet me raketa në kryeqytet. Një tjetër goditi një fabrikë raketash të premten, ndërsa banorët dolën për shëtitje, ambasadat e huaja planifikonin të rihapen dhe shenja të tjera tentative të jetës së qytetit të paraluftës filluan të rishfaqen pas dështimit të trupave ruse për të kapur Kievin dhe tërheqjen e tyre për t'u përqendruar në lindje.
Edhe
Të paktën 10 të vrarë nga sulmet e reja ruse në Kiev
Kievi nën bombardime
Kievi ishte një nga objektivat e së shtunës. Zyra e presidentit ukrainas raportoi sulme me raketa dhe granatime gjatë 24 orëve të fundit në tetë rajone që shtrihen në të gjithë vendin.
Guvernatori i rajonit të Lvivit në perëndim të shtetit– larg nga lindja e paqëndrueshme dhe një zonë e parë prej kohësh si e sigurt – raportoi sulme ajrore nga avionët rusë Su-35 që u ngritën nga Bjellorusia fqinje.
Në përgatitjet e dukshme për sulmin e saj në lindje, ushtria ruse intensifikoi granatimet e Kharkiv, qytetit të dytë më të madh të Ukrainës, ditët e fundit. Së bashku me vrasjen e civilëve, sulmi i së premtes plagosi më shumë se 50 njerëz, njoftoi Zyra e presidentit ukrainas.
Në Ukrainën juglindore, qyteti port jugor i goditur i Mariupolit po reziston, por situata është kritike, ka thënë Zyra e presidentit ukrainas. Forcat ruse kanë mbajtur një bllokadë atje që nga ditët e para të pushtimit dhe një numër në pakësim i mbrojtësve ukrainas kanë qëndruar kundër rrethimit.
Kapja e Mariupolit do t'u mundësonte forcave ruse në jug, të cilat dolën përmes gadishullit të aneksuar të Krimesë, të lidhen plotësisht me trupat në rajonin e Donbasit, qendra industriale lindore e Ukrainës.
Beteja për kontrollin e Mariupolit ka pasur një kosto të tmerrshme për civilët e bllokuar dhe të uritur. Vendasit raportuan se kishin parë trupa ruse duke gërmuar trupa nga oborret e banimit dhe duke ndaluar varrosjet e reja. Ishte e paqartë pse.
Thirrja e Zelenskyyt
Presidenti ukrainas, Volodymyr Zelenskyy, bëri thirrje për më shumë armë perëndimore dhe një embargo globale ndaj naftës ruse dhe akuzoi trupat ruse që pushtojnë qytetet ukrainase për terrorizimin e civilëve.
“Okupatorët mendojnë se kjo do t'ua bëjë më të lehtë kontrollin e këtij territori. Por ata e kanë shumë gabim. Ata po mashtrojnë veten”, ka thënë Zelenskyy, në fjalimin e tij të natës. “Problemi i Rusisë është se ajo nuk pranohet – dhe nuk do të pranohet kurrë – nga i gjithë populli ukrainas. Rusia e ka humbur Ukrainën përgjithmonë”.
Ai paralajmëroi gjithashtu në një intervistë me CNN se “të gjitha vendet e botës” duhet të përgatiten për mundësinë që presidenti rus, Vladimir Putin, të mund të përdorte armë taktike bërthamore, një frikë e tillë që nga fillimi i pushtimit të Ukrainës më 24 shkurt.
Zelenskyy vlerësoi se 2,500 deri në 3,000 trupa ukrainase kanë vdekur në luftë dhe rreth 10,000 janë plagosur. Zyra e prokurorit të përgjithshëm të Ukrainës tha të shtunën se të paktën 200 fëmijë janë vrarë që nga fillimi i luftës dhe më shumë se 360 janë plagosur.
Rusët gjithashtu kanë zënë rob rreth 700 trupa ukrainase dhe më shumë se 1000 civilë, tha të shtunën zëvendëskryeministrja ukrainase, Iryna Vereshchuk. Ukraina mban pothuajse të njëjtin numër trupash ruse si të burgosurit dhe synon të organizojë një shkëmbim me Moskën, por po kërkon lirimin e civilëve "pa asnjë kusht", tha Vereshchuk.
Paralajmërimi i Rusisë për sulme të shtuara në Kiev erdhi pasi autoritetet ruse akuzuan Ukrainën të enjten se plagosi shtatë persona dhe dëmtoi rreth 100 ndërtesa banimi me sulme ajrore në Bryansk, rajon në kufi me Ukrainën.
Edhe
Nëntë të vrarë nga një sulm rus në Ukrainë, përfshihet në flakë një katedrale historike në Kiev
Zyrtarët ukrainas nuk kanë konfirmuar objektivat goditëse në Rusi. Megjithatë, ata pretenduan përgjegjësinë për shkatërrimin e një luftanijeje kryesore ruse me raketa në fillim të kësaj jave, në një fitore të rëndësishme për Ukrainën dhe humbje simbolike për Rusinë.
Luftanija “Moskva” u fundos të enjten pasi mori dëme të mëdha. Moska nuk pranoi asnjë sulm, duke thënë vetëm se një zjarr kishte shpërthyer municione në bord.
