-
Përktheu:
Flutura Gashi-Mehmeti
- 29 tetor 2025 14:24
- Shpërndaje në:
I dërguari i posaçëm i presidentit rus, Vladimir Putin, Kirill Dmitriev, ka thënë në një konferencë investimesh në Arabinë Saudite se lufta në Ukrainë do të ndalet brenda një viti nga tani.
Dmitriev ka bërë këtë deklaratë pas takimeve të tij me zyrtarë të administratës së presidentit të SHBA-së, Donald Trump, në Shtetet e Bashkuara fundjavën e kaluar. Vizita e tij pasoi një njoftim se sami i planifikuar midis Trumpit dhe Putinit ishte shtyrë, raporton Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Jemi të sigurt se jemi në rrugën e paqes dhe si paqebërës duhet ta bëjmë atë të ndodhë", ka thënë Dmitriev, i cili është gjithashtu drejtor ekzekutiv i Fondit Rus të Investimeve Direkte, para audiencës në kryeqytetin saudit, Riad.
I pyetur nëse paqja në Ukrainë ishte e mundur brenda një viti, Dmitriev ka thënë: "Unë besoj se po".
Ndërsa ishte në SHBA, Dmitriev ka deklaruar se Rusia dhe SHBA-ja ishin afër “zgjidhjes diplomatike” për luftën.
Dmitriev vlerësoi bashkëpunimin midis Shteteve të Bashkuara, Arabisë Saudite dhe Rusisë si mbajtësit kryesorë të burimeve natyrore në botë dhe ka shtuar se një bashkëpunim i tillë do ta bëjë botën më të sigurt.
"Njerëzit tani janë të përqendruar në konfliktin rajonal që ekziston rreth Rusisë, por ne nuk duam që ai të përshkallëzohet në një konflikt më të madh. Dhe për këtë duhet të bëjmë më mirë nga sa kemi bërë deri më tani, jo më keq", ka shtuar Dmitriev.