(E përditësuar 00:25) - Presidenti amerikan, Donald Trump, ka bërë të ditur se ka filluar përgatitjet për një takim mes presidentit rus, Vladimir Putin, dhe atij ukrainas, Volodymyr Zelensky.
Përmes një postimi në rrjetet sociale, Trump konfirmoi se gjatë ditës së sotme ka zhvilluar një bisedë telefonike me Putinin, pas takimeve në Shtëpinë e Bardhë.
“Në përfundim të takimeve, telefonova presidentin Putin dhe nisa përgatitjet për një takim, në një lokacion që do të përcaktohet më vonë, mes presidentit Putin dhe presidentit Zelenskyy”, shkroi Trump.
Ai shtoi se pas këtij takimi planifikohet të mbahet një takim trepalësh, ku do të marrë pjesë edhe vetë.
Trump gjithashtu tha se gjatë bisedimeve të sotme është diskutuar edhe për garancitë e sigurisë për Ukrainën, të cilat, sipas tij, do të ofrohen nga “shtete të ndryshme evropiane, në koordinim me Shtetet e Bashkuara të Amerikës”.
Zelensky sinjalizon gatishmëri për takim trepalësh me Trumpin dhe Putinin
(E përditësuar) - Presidenti i Ukrainës, Volodymyr Zelensky dhe presidenti i SHBA-së, Donald Trump dhanë shpresën se bisedimet kritike të së hënës me udhëheqësit ukrainas dhe evropianë në Shtëpinë e Bardhë mund të çojnë në bisedime trepalëshe me Presidentin rus Vladimir Putin për t'i dhënë fund luftës së Rusisë kundër Ukrainës.
Takimi i së hënës i organizuar me nxitim vjen pasi Trump u takua me Putinin dhe tha se tani është përgjegjësia e Zelenskyt për të rënë dakord për lëshimet që ai tha se mund t'i jepnin fund luftës.
Një grup politikanësh të rëndësishëm evropianë do të takohen gjithashtu me presidentin e SHBA-së pasi u lanë jashtë samitit të së premtes dhe po kërkojnë të mbrojnë Ukrainën dhe kontinentin nga çdo agresion në zgjerim nga Moska.
Tema kryesore e takimit të së hënës në Zyrën Ovale ishte se çfarë garancish sigurie i duhen Ukrainës nga SHBA-të për të rënë dakord për një marrëveshje paqeje dhe nëse Trump do të ishte i gatshëm t'i ofronte ato.
Zelenskyy përshkroi atë që tha se vendi i tij kishte nevojë për t'u ndjerë i sigurt, që përfshinte një “ushtri të fortë ukrainase” përmes shitjes dhe trajnimit të armëve. Pjesa e dytë, tha ai, do të varet nga rezultati i bisedimeve të së hënës dhe çfarë vendet e BE-së, NATO-ja dhe SHBA-të do të ishin në gjendje t'i garantonin vendit të shkatërruar nga lufta.
Trump nuk preku angazhimin e trupave amerikane në këtë përpjekje, duke thënë në vend të kësaj se do të kishte një prani sigurie “të ngjashme me NATO-n”, por se të gjitha këto detaje do të diskutoheshin në takimin e tyre të pasdites me udhëheqësit e BE-së.
“Ata duan mbrojtje dhe kanë një qëndrim shumë të fortë për këtë dhe ne do t'i ndihmojmë me këtë,” tha Trump. “Mendoj se është shumë e rëndësishme që marrëveshja të arrihet”.
Trumpi dhe Zelensky para gazetarëve: Kemi nevojë për paqe të qëndrueshme
Trump dhe Zelensky janë ulur së bashku në Zyrën Ovale, ku po u përgjigjen gazetarëve.
Ndër të tjera, pas pyetjeve të gazetarëve, Trump ka thënë se mendon se presidenti ukrainas mund t’i japë fund luftës.
Ai ka shtuar se ai dhe Zelensky duan ta shohin të mbaruar luftën dhe se beson të njëjtën gjë edhe për Putinin.
Trump u pyet se cila palë, Rusia apo Ukraina, ka kartat më të mira.
Trump ka thënë se nuk dëshiron të thotë se cila, dhe shtoi "kjo nuk është lufta ime", duke fajësuar përsëri ish-Presidentin e SHBA-së Joe Biden për mosndalimin e pushtimit të Rusisë në vitin 2023 dhe përsëriti se lufta duhet të mbarojë, duke thënë se dëshiron që ajo të mbarojë mirë për të gjithë.
Zelensky është pyetur nëse do të merrte në konsideratë lëshimin e territorit.
Udhëheqësi ukrainas ka thënë se "ne duhet ta ndalojmë luftën, të ndalojmë Rusinë".
Zelensky ka shtuar se ukrainasit janë të fortë dhe se mbështesin planet e Trump për t'i dhënë fund luftës në një "mënyrë diplomatike".
Ai tha se dëshiron të zhvillojë një takim trepalësh me presidentin e SHBA-së dhe Vladimir Putin të Rusisë.
Një gazetar e pyeti Trumpin nëse do të ketë pasoja të rënda nëse nuk ka armëpushim.
"Nuk mendoj se keni nevojë për një armëpushim," u përgjigj Trump.
Presidenti amerikan tha "mund të jetë mirë nëse do ketë", por shtoi se mund të mos jetë i nevojshëm për paqen.
Ai gjithashtu shton se, "strategjikisht", një vend ose tjetri mund të mos dëshirojë armëpushim.
Shefi i NATO-s, Mark Rutte, ka mbërritur i pari në Shtëpinë e Bardhë.
Ai është përshëndetur nga Monica Crowley, shefja e protokollit të Shtëpisë së Bardhë.
Pas tij kanë mbërritur presidentja e Komisionit Evropian, Ursula von der Leyen, kryeministri britanik, Keir Starmer, kryeministrja e Italisë, Giorgia Meloni, presidenti i Finlandës, Alexander Stubb, kancelari i Gjermanisë, Friedrich Merz dhe presidenti francez, Emmanuel Macron
Shtëpia e Bardhë ka publikuar një orar se kur parashihet të arrijnë presidenti i Ukrainës, Volodymyr Zelensky dhe liderët kyç evropianë, raporton “BBC”.
Liderët evropianë pritet të arrjnë në Washington në mesditë me kohë lokale (rreth orës 18:00 me zonën tonë kohore).
Ndërkohë një orë më vonë, Zelensky do të pritet nga Trumpi para se të nisë takimin bilateral.
E rreth orës 14:15 me kohë lokale (20:15 me zonën tonë kohore), Trumpi do t’i presë liderët evropianë para një foto në grup.
E takimi shumëpalësh do të zhvillohet rreth orës 15:00 me kohë lokale (21:00 me zonën tonë kohore).
Nuk ka një orar se kur do të përfundojnë takimet.
Zelensky në Shtëpinë e bardhë do të shoqërohet nga sekretari i përgjithshëm i NATO-s, Mark Rutte, presidentja e Komisionit Evropian, Ursula von der Leyen, kancelari gjerman Friedrich Merz, kryeministri britanik Keir Starmer, presidenti francez Emmanuel Macron, kryeministrja e Italisë, Giorgia Meloni dhe presidenti i Finlandës, Alexander Stubb.
Raportohet se Trumpi ka pauzuar takimin për ta telefonuar Putinin
Photo: Associated Press
Sipas raportimeve nga mediat gjermane dhe amerikane, Trump ka ndërprerë takimin me Zelenskyn dhe udhëheqësit evropianë për të telefonuar presidentin rus Vladimir Putin.
Më parë, Trump tha se do ta telefononte Putinin pas takimit dhe gjithashtu zbuloi se dyshja kishte komunikuar indirekt më herët sot, shkruan BBC.
Por disa media kanë raportuar se Trump kontaktoi presidentin rus ndërsa negociatat ishin ende në vazhdim në Shtëpinë e Bardhë, duke cituar burime të paidentifikuara me njohuri për bisedimet.
Shtëpia e Bardhë nuk ka komentuar mbi telefonatën e raportuar me Putinin.
Liderët evropianë theksojnë se siguria për Ukrainën do të thotë siguri për Evropën
Një pikë qendrore për negociatat për përfundimin e luftës me Rusinë kanë qenë garancitë e sigurisë për Ukrainën si një mburojë kundër agresionit të ardhshëm.
Detajet janë ende në ndryshim e sipër, por është e qartë se udhëheqësit evropianë e shohin çështjen si thelbësore për të gjithë kontinentin, jo vetëm për Ukrainën.
“Kur flasim për garancitë e sigurisë, flasim për të gjithë sigurinë e kontinentit evropian”, tha Macron.
Starmer bëri një koment të ngjashëm me Macronin. “Mendoj se mund të bëjmë një hap vërtet të rëndësishëm përpara sot, një hap historik që në fakt do të dalë nga ky takim në aspektin e sigurisë për Ukrainën dhe sigurisë në Evropë”, tha ai.
Merz bën thirrje për armëpushim dhe kërkon të ushtrohet presion ndaj Rusisë
Photo: Associated Press
Kancelari gjerman tha se do të “dëshironte të shihte një armëpushim që nga takimi i ardhshëm, i cili duhet të jetë një takim trepalësh” me Ukrainën, Rusinë dhe SHBA-në.
Ashtu si homologët e tij të tjerë evropianë, Merz e vlerësoi Trumpin për rolin e tij në procesin e përpjekjeve për t'i dhënë fund luftës.
Rutte i tha Trumpit se gatishmëria e tij për të marrë pjesë në garancitë e sigurisë shënoi një “përparim”.
Von der Leyen bëri thirrje për të punuar së bashku për “një paqe të drejtë dhe të qëndrueshme”, ndërsa Meloni e quajti takimin “një ditë të rëndësishme dhe një fazë të re”.
Trumpi ndryshon qëndrimin për armëpushim pas takimit me Zelenskyn
Photo: Associated Press
Pavarësisht komenteve të mëparshme, Trump tha se armëpushimi midis Rusisë dhe Ukrainës është zgjidhje e mirë .
Para se takimi të niste, Trumpi tha se armëpushimi midis Rusisë dhe Ukrainës ishte “i panevojshëm”. Pas një ore takimi me dyer të mbyllura me udhëheqësit e BE-së dhe Zelenskyn, Trump u tha gazetarëve në Dhomën Lindore se “të gjithë ne padyshim do të preferonim armëpushimin e menjëhershëm ndërsa punojmë për një paqe të qëndrueshme”.
Ai shtoi se i pëlqen armëpushimi sepse do të “ndalonte menjëherë vrasjet”, por përsëriti se një marrëveshje paqeje midis dy vendeve është “shumë e më e vlefshme” në këtë pikë të luftës.
Nis takimi i Trumpit dhe Zelenskyt me liderët evropianë
Ka përfunduar takimi me dyer të mbyllura mes presidentit të SHBA-së, Donald Trump dhe presidentit ukrainas, Volodymyr Zelensky. Pas kësaj, është realizuar fotografia familjare bashkë edhe me liderët tjerë evropian.
Trump ka hapur takimin në grup me Zelenskyn dhe udhëheqësit nga Evropa.
Ai ka përdorur një frazë të re për të thënë se dëshiron t’i japë fund luftës. Trump tha se grupi dëshiron të shohë “nëse mund ta vendosin në gjumë” luftën mes Ukrainës dhe Rusisë.
I ulur në Dhomën Lindore, Trump raportohet se është parë në disponim të mirë teksa shihte të gjithë udhëheqësit evropianë në tryezë.
Ai e quajti Starmer “mikun im” dhe tha se i pëlqente Macron “që nga dita e parë”. Ai tha se Merz ishte “shumë i fortë”. Ai vlerësoi pamjen e Stubb, duke thënë “dukesh më mirë se sa herave tjera”
Takimi Trump-Zelensky vlerësohet më miqësor se herën e kaluar
Vetëm pak muaj më parë, Trump dhe Zelensky u takuan për herë të fundit në Zyrën Ovale, por takimi ballë për ballë i së hënës midis dy udhëheqësve dukej dukshëm ndryshe.
Gjatë pjesës më të madhe të bisedimit të tyre të shkurtit, gjatë të cilit Trump dhe Vance e kritikuan Zelenskyn për "mungesë respekti" duke folur edhe për mbështetjen amerikane, Zelenskyy pati kryqëzuar krahët duke i shikuar me dyshim udhëheqësit amerikanë. Presidentët shpesh flisnin mbi njëri-tjetrin, duke treguar edhe mospajtim.
Takimi i së hënës u përmbyll me më shumë buzëqeshje dhe mirësjellje midis dy udhëheqësve, si dhe me marrëveshje për disa pika në lidhje me luftën. Të dy burrat kryesisht ishin të ulur me duart e kapura në prehër, duke iu përgjigjur me dashamirësi pyetjeve të gazetarëve.
Nis takimi me dyer të mbyllura Trump-Zelensky
Ka nisur takimi me dyer të mbyllura mes presidentit Donald Trump dhe homologut të tij ukrainas, Volodymyr Zelensky.
Takimi me dyer të mbyllura vjen pas deklaratave hapëse në Zyrën Ovale, ku liderët iu përgjigjen edhe pyetjeve të gazetarëve.
Një foto në grup e Trumpit, Zelenskyyt dhe udhëheqësve evropianë do të pasojë përpara se të gjithë të takohen në Dhomën Lindore për të diskutuar se si t'i japin fund luftës së Rusisë kundër Ukrainës.
Amerikanët s’e kursejnë as sot Zelenskyn për veshjen, çka i thanë?
Ky takim i kohës së luftës është një çështje shumë serioze - por pati një moment të lehtë kur u rikthye çështja famëkeqe e veshjeve të Zelenskyt.
Zelensky u pyet për kostumin e tij nga Brian Glenn, i njëjti gazetar nga media konservatore Real America's Voice i cili e pyeti për kostumin e tij përpara debatit të nxehtë në Zyrën Ovale në shkurt.
Këtë herë, presidenti ukrainas - i veshur me një kostum të errët në vend të veshjes së tij të zakonshme ushtarake - erdhi i përgatitur.
"Ke veshur të njëjtin kostum [si herën e fundit]," i tha Zelensky Glenn, duke shkaktuar të qeshura nga gazetarët dhe stafi i mbledhur në Zyrën Ovale.
Trump tha se i tha Zelenskyt se duket mirë.
@euronews.al Gazetari që i bëri Volodymyr Zelenskyt pyetjen “Why don’t you wear a suit? Do you own a suit?” (Pse nuk ke veshur kostum? A ke një kostum) gjatë takimit zyrën ovale, sot i ka kërkuar falje. Brian Glenn, korrespondent për Shtëpinë e Bardhë, gazetar konservator, sot e ka komplimentuar presidentin ukrainas duke i thënë se dukej shumë bukur. Njësoj e ka komplimentuar dhe Trump.
♬ original sound - euronews_al - euronews_al
Trumpi thotë se do të telefonojë Putinin pas takimeve
Trump u pyet nëse ndonjë pjesë e diskutimit të tij me Putinin të premten e la të zhgënjyer.
Ai tha se "thjesht foli" me Putinin "indirekt" dhe se ata do të kenë një telefonatë "menjëherë pas" takimeve të tij sot.
"Ai pret telefonatën time kur të mbarojmë me këtë takim", thotë Trump.
Trump: Ne do t’i japim mbrojtje dhe siguri Ukrainës
Trump u pyet nëse SHBA-ja do të dërgojë "paqeruajtës amerikanë" në Ukrainë për të siguruar një marrëveshje paqeje.
"Ne do të punojmë me Ukrainën, do të punojmë me të gjithë për t'u siguruar që paqja është afatgjatë. SHBA-ja do të punojë si me Rusinë ashtu edhe me Ukrainën për t'u siguruar që ajo të funksionojë”, shton ai. "Nëse mund të arrijmë paqen, e di që do të funksionojë. Nuk kam asnjë dyshim për këtë”.
Trump u pyet nëse do t’i japë Ukrainës garanci sigurie dhe mbrojtje të ngjashme me ato të NATO-s, si pjesë e një marrëveshjeje paqeje.
Presidenti amerikan tha se kjo nuk është diskutuar ende, por “ne do t’u japim atyre mbrojtje shumë të mirë, siguri shumë të mirë”.
Trumpi thotë para Zelenskyt se nuk ka nevojë për armëpushim mes Rusisë dhe Ukrainës
Trump dhe Zelensky janë ulur së bashku në Zyrën Ovale, ku po u drejtohen gazetarëve.
Ndër të tjera, pas pyetjeve të gazetarëve, Trump ka thënë se mendon se presidenti ukrainas mund t’i japë fund luftës.
Ai thotë se ai dhe Zelensky duan ta shohin të mbaruar luftën dhe se beson të njëjtën gjë edhe për Putinin.
Trump u pyet se cila palë, Rusia apo Ukraina, ka kartat më të mira.
Trump thotë se nuk dëshiron të thotë se cila dhe shtoi "kjo nuk është lufta ime", duke fajësuar përsëri ish-Presidentin e SHBA-së Joe Biden për mosndalimin e pushtimit të Rusisë në vitin 2023 dhe përsëriti se lufta duhet të mbarojë, duke thënë se dëshiron që ajo të mbarojë mirë për të gjithë.
Zelensky është pyetur nëse do të merrte në konsideratë lëshimin e territorit.
Udhëheqësi ukrainas ka thënë se "ne duhet ta ndalojmë luftën, të ndalojmë Rusinë".
Zelensky ka shtuar se ukrainasit janë të fortë dhe se mbështesin planet e Trump për t'i dhënë fund luftës në një "mënyrë diplomatike".
Ai thotë se dëshiron të zhvillojë një takim trepalësh me presidentin e SHBA-së dhe Vladimir Putin të Rusisë.
Një gazetar e pyet Trumpin nëse do të ketë pasoja të rënda nëse nuk ka armëpushim.
"Nuk mendoj se keni nevojë për një armëpushim," u përgjigj Trump.
Presidenti amerikan thotë "mund të jetë mirë nëse do ketë", por thotë se mund të mos jetë i nevojshëm për paqen.
Ai gjithashtu shton se, "strategjikisht", një vend ose tjetri mund të mos dëshirojë një armëpushim.
Trump e ka falenderuar Zelenskyn që ndodhet sot në SHBA dhe tha se “po bëhet përparim” për t'i dhënë fund luftës midis Rusisë dhe Ukrainës.
Ai thotë se pati një takim “shumë të mirë” me Putinin dhe ekziston “një mundësi e mirë që diçka të dalë prej tij”.
Zelensky e ka falenderuar Trumpin për ftesën e tij dhe për “përpjekjet e tij personale” për të ndaluar luftën.
Ai gjithashtu falenderio Zonjën e Parë të SHBA-së Melania Trump për shkrimin e një letre drejtuar Vladimir Putinit në lidhje me fëmijët ukrainas që Rusia ka rrëmbyer.
Ai i dha Trumpit një letër nga Olena Zelenska, zonja e parë e Ukrainës.
“Nuk është për ty, është për gruan tënde”, i thotë ai Trumpit.
Zelensky mbërrin në Shtëpi të Bardhë, Trumpi thotë se i do ukrainasit
Presidenti ukrainas Volodymyr Zelensky ka mbërritur në Shtëpinë e Bardhë, ku është pritur nga Presidenti i SHBA-së Donald Trump.
Dyshja shtrëngoi duart përpara se Trump ta shoqërojë Zelenskyn brenda për bisedimet e tyre të shumëpritura për t'i dhënë fund luftës me Rusinë.
Ndërsa Trumpi përshëndeti Zelenskyn në derë, gazetarët i bënë pyetje presidentit amerikan me zë të lartë.
Cili është mesazhi juaj për popullin ukrainas?, e pyetën atë.
“Ne i duam ata”, tha shkurt Trump ndërsa pozoi për foto me Zelenskyn përpara se të dy të hynin brenda.
Zelensky me mesazh para takimit me Trumpin
Photo: Associated Press
Presidenti ukrainas, Volodymr Zelensky pritet të takohet me presidentin e SHBA-së, Donald Trump gjatë kësaj pasdite në Washington.
Përpara takimit, Zelensky ka thënë se qëllimi kryesor i Ukrainës është një paqe e besueshme dhe e qëndrueshme për veten dhe Evropën.
Ai ka thënë se ndaj Rusisë duhet të ushtrohet presion për t'i dhënë fund luftës së saj në Ukrainë dhe “përpjekjeve të reja për pushtim”.
Mesazhi, i postuar ndërsa udhëheqësit evropianë hyjnë në Shtëpinë e Bardhë, përfshin një video të Zelenskyt duke takuar udhëheqësit në ambasadën ukrainase në Washington, në një lëvizje për të treguar frontin e bashkuar në anën lindore të Atlantikut.
“ne duhet t'i ndalojmë vrasjet dhe i falënderoj partnerët tanë që po punojnë drejt kësaj dhe në fund të fundit drejt një paqeje të besueshme dhe dinjitoze. Së bashku me udhëheqësit e Finlandës, Mbretërisë së Bashkuar, Italisë, Komisionit Evropian dhe Sekretarit të Përgjithshëm të NATO-s, ne koordinuam qëndrimet tona përpara takimit me Presidentin Trump. Ukraina është gati për një armëpushim të vërtetë dhe për krijimin e një arkitekture të re sigurie. Ne kemi nevojë për paqe”, ka thënë Zelensky.