Lira turke ka rënë për 7.6 për qind, duke shënuar rekordin më të ulët të mërkurën që nga rënia historike e vitit 2021, raportoi të mërkurën Reuters.
Lira është vënë nën presion në rritje që kur presidenti Recep Tayyip Erdogan u rizgjodh më 28 maj.
Erdogani ka sinjalizuar një kthesë në fundjavë, kur ka emëruar ish-zëvendëskryeministrin Mehmet Simsek, si ministër të financave.
Simsek i cili vlerësohet mirë nga investitorët e huaj, ka thënë se politika ekonomike duhet të kthehet në terren racional.
Megjithëse shumë rregullore duhet të ndryshohen, destinacioni po bëhet më i qartë çdo ditë. Po shkohet drejt vlerës së lirës që përcaktohet nga kushtet e tregut.
Erodgan po konsideron emërimin e Hafize Gaye Erkan, drejtueses së lartë financiare me bazë në SHBA, si guvernatore të Bankës Qendrore. Ajo do të pasonte Sahap Kavcioglun, i cili ka udhëhequr përpjekjet e Erdoganit për uljen e normave që nga viti 2021.
Duke pasur parasysh shitjet e mëdha, disa analistë kanë konsideruar se banka qendrore mund të mbajë një takim urgjent për të rritur normat e interesit.
Edhe
Lira turke bie në nivelin më të ulët historik kundrejt dollarit amerikan
“Një rritje emergjente është shumë e mundshme dhe mund të stabilizojë tregjet në afat të shkurtër", ka thënë Ulricht Leuchtmann, kreu i kërkimit FX në “Commerzbank”. “Po mban erë si fillimi i krizës së lirës”, ka shtuar ai.
Takimi i radhës i politikës së bankës është planifikuar të mbahet më 22 qershor.
Disa analistë presin që lira të dobësohet drejt intervalit 25-28 kundrejt dollarit. Sipas tyre, monedha po i afrohet niveleve në të cilat "nuk do të duhet të mbrohet me rezerva”.
