Monedha turke arriti në nivelin më të ulët historik kundrejt dollarit amerikan të martën, duke u këmbyer me 29.70 lira për dollar.
Ekonomisti Alaattin Aktas i tha gazetës së përditshme Cumhuriyet se kursi i këmbimit të dollarit pritet të rritet në rreth 40 lira për dollar gjatë vitit 2024.
Inflacioni në Turqi arriti në 61.98 për qind në nëntor. Instituti i Statistikave Turke pritet të publikojë të mërkurën [sot] të dhënat zyrtare të inflacionit për vitin 2023.
Banka qendrore e Turqisë rriti normën e saj bazë të interesit me 250 pikë bazë në 42.5 për qind në dhjetor për të frenuar zhvlerësimin e lirës dhe për të zbutur inflacionin e vazhdueshëm të lartë.
