Qeveria e përkohshme e Libanit ka miratuar hapjen e linjave kreditore në vlerë prej 116 milionë dollarësh për të rregulluar rrjetin e dëmtuar të energjisë elektrike.
Shteti në krizë të thellë ekonomike në dy vjetët e fundit, është përballur me krizë të madhe energjetike që ka vështirësuar jetën publike.
Kjo krizë energjetike ka përkeqësuar gjendjen ekonomike që ka lënë në varfëri tre të katërtat e popullsisë së Libanit.
Në ditët e sotme, libanezët furnizohen me vetëm një orë energji elektrike teksa miliona prej tyre janë mbështetur te furnizuesit e shtrenjtë të gjeneratorëve për të furnizuar shtëpitë e tyre me energji elektrike.
Kompania shtetërore e energjisë elektrike ka tharë arkat e shtetit në dekadat e fundit, duke i kushtuar qeverisë deri në 40 miliardë dollarë, ndërkaq humbjet vjetore janë 1.5 miliardë dollarë.
Dy termocentralet e Libanit shpesh janë prishur dhe mirëmbajtja e tyre ka kushtuar.
Edhe
Kriza ekonomike, gaz lotsjellës ndaj ushtarëve të pensionuar në Liban
Banka Botërore dhe Fondi Ndërkombëtar Monetar kanë deklaruar se rindërtimi i sektorit energjetik është reformë kyç për Libanin drejt rimëkëmbjes ekonomike.
Qeveria synon të shpenzojë 62 milionë dollarë për furnizim me naftë në port dhe 54 milionë të tjerë për mirëmbajtjen e termocentraleve.
