Ministri i Jashtëm rus, Sergei Lavrov, ka thënë se rreziqet e luftës bërthamore janë "serioze dhe reale".
"Rreziqet tani janë të konsiderueshme. Unë nuk do të doja t'i ngrija këto rreziqe artificialisht. Shumë do ta donin këtë. Rreziku është serioz, real, dhe ne nuk duhet ta nënvlerësojmë atë”, ka thënë Lavrovi në një intervistë televizive, transmeton Sky News.
Ai gjithashtu tha se lufta në Ukrainë do të përfundojë me një marrëveshje, por përmbajtja e saj do të varet nga situata ushtarake.
Komentet vijnë, pasi Sergei tha se bisedimet midis Ukrainës dhe Rusisë janë "ndërprerë", pasi Moska nuk ka marrë një përgjigje nga Kievi për propozimet e saj të fundit, detajet e të cilave nuk janë bërë publike.
Sekretari i Përgjithshëm i OKB-së, Antonio Guterres, do të takohet të martën në Moskë me Lavrovin dhe presidentin, Vladimir Putin.
Guterresi do të shkojë të enjten në Ukrainë për t’u takuar edhe me presidentin, Volodymyr Zelensky, dhe ministrin e Jashtëm, Dmytro Kuleba.
-
Rusia akuzon Evropën për zgjatjen e luftës në Ukrainë: Po bëhet kërcënim për paqen
-
Kryediplomati rus thotë se procesi i paqes për Ukrainën ka ngecur
-
Lavrovi paralajmëron se trupat evropiane në Ukrainë do të ishin “shënjestër legjitime”
-
Lavrov: Anëtarët e KS të OKB-së duhet të jenë garantues sigurie për Ukrainën
-
Lavrov: Putini i gatshëm të takohet me Zelenskyn, por legjitimiteti i tij është problem