Kryeministri kanadez, Mark Carney, ka thënë se Evropa nuk do t’i nënshtrohet një bote më “brutale” dhe përkundrazi mund të bëhet baza nga e cila mund të rindërtohet një rend i ri ndërkombëtar.
Carney ka folur si lideri i parë jo-evropian që merr pjesë në një takim të Komunitetit Politik Evropian, i cili u hap të hënën, mes tensioneve të larta në ngushticën e Hormuzit dhe dyshimeve të reja mbi angazhimin e SHBA-së ndaj NATO-s.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne nuk mendojmë se jemi të destinuar t’i nënshtrohemi një bote më transaksionale, më të mbyllur dhe më brutale, dhe takime si këto tregojnë një rrugë më të mirë përpara”, ka thënë ai.
Në një sugjerim të drejtpërdrejtë se epoka e udhëheqjes amerikane po i afrohet fundit, dhe duke shpjeguar simbolikën e pjesëmarrjes së Kanadasë në një takim politik evropian, ai shtoi:
“Është bindja ime e fortë personale se rendi ndërkombëtar do të rindërtohet, por do të rindërtohet nga Europa.”
“Ne po tregojmë jo vetëm forcën e vlerave tona në mbrojtjen e një rendi ndërkombëtar të bazuar në rregulla, por edhe vlerën e forcës sonë”, ka shtuar ai.
Takimi i Komunitetit Politik Evropian, i teti që nga krijimi i organizatës, po zhvillohet në Jerevan, Armeni, një vend i zgjedhur për të treguar vendosmërinë e Europës për të mos lejuar që ky vend i vogël i Kaukazit të rikthehet nën ndikimin e Rusisë.
Takimi po mbahet në një klimë shqetësimi të ri mbi angazhimin e SHBA-së ndaj NATO-s, pas vendimit të papritur të Donald Trumpit për të njoftuar tërheqjen e më shumë se 5,000 trupave nga Gjermania, një veprim që ka konfirmuar frikërat më të këqija të evropianëve për besueshmërinë e aleancës transatlantike.