Imazhet satelitore të marra nga një firmë amerikane e një autokolone të madhe ushtarake ruse pranë kryeqytetit të Ukrainës, Kiev, tregojnë se ajo është "shpërndarë dhe ridislokuar në masë të madhe".
Kolona u pa për herë të fundit pranë aeroportit Antonov, në veriperëndim të Kievit dhe lëvizja e saj mund të sinjalizojë një shtytje të përtërirë drejt qytetit.
Firma që bëri fotot, Maxar Technologies, tha se pjesë të kolonës ishin në pozicione në qytetet përreth.
Pjesët e tjera janë më në veri, me artileri tani në pozicionet e gjuajtjes.
Shpërthime në qytete në anët e kundërta të vendit u raportuan të premten në mëngjes:
Edhe
Kolona e gjatë ushtarake e Rusisë jashtë Kievit nuk po mund të shihet më nga sateliti
Një fushë ajrore dhe një fabrikë e motorëve të avionëve u shënjestruan në Lutsk, në veriperëndim
Në Dnipro, një bastion i madh në Ukrainën qendrore lindore, një person u raportua i vdekur nga sulmet ajrore
Sipas zyrtarëve rusë të mbrojtjes, shpërthimet goditën gjithashtu fushat ajrore në Ivano-Frankivsk, në jug-perëndim.
"Qytetet e mëdha ukrainase i nënshtrohen përsëri goditjeve shkatërruese", tha këshilltari presidencial ukrainas Mykhaylo Podolyak.
Ai shtoi se granatimet në Lutsk kishin mbyllur dy komplekse të ngrohjes qendrore.
"Lufta shkatërruese e Rusisë kundër civilëve dhe qyteteve të mëdha vazhdon", tha ai.
Edhe
Rusia godet Kievin me sulme masive në kohë negociatash
Media shtetërore ruse raportoi se qyteti ukrainas i Volnovakha ishte pushtuar nga forcat separatiste të mbështetura nga Rusia.
Nuk ka asnjë konfirmim të pavarur për kapjen e qytetit, i cili është një portë veriore për në qytetin e rrethuar të Mariupolit.
