14 trupa janë identifikuar nga 22 sa ishin në bordin e aeroplanit që u zhduk të dielën në Nepal, ka shkruar të hënën Reuters.
Autoritetet e Nepalit kanë njoftuar se aeroplani është gjetur i rrëzuar në një rajon të largët, ndërsa trupat e gjetur janë larguar nga aty.
"Kërkimi për të tjerët po vazhdon”, ka thënë Tek Raj Sitaula, zëdhënës i Aeroportit Ndërkombëtar Tribhuvan në kryeqytetin e Nepalit, Katmandu.
Aeroplani i “Tara Airlines”, i cili është nisur në një fluturim të planifikuar 15-minutësh për në qytetin malor të Jomsomit, është ngritur nga Pokhara, 200 km në lindje të Katmandut, por humbi kontaktin me kullën e aeroportit menjëherë pas ngritjes.
Brenda këtij aeroplani ishin 19 pasagjerë dhe tre anëtarë të ekuipazhit.
Edhe
Aeroplani me 22 persona brenda zhduket në Nepal
Moti i keq ka penguar për disa kohë operacionin e kërkimit, pasi dukshmëria ishte e dobët gjatë së dielës.
