Rreth 10,000 njerëz morën pjesë në një koncert i cili u organizua në shenjë solidariteti me Ukrainën në Berlin të dielën, tha policia, derisa turma valëviste flamujt ukrainas ose duke mbanin pankarta me slogane që kundërshtojnë pushtimin rus.
Duke u mbledhur pranë Portës së Brandenburgut, simbol i një Gjermanie të ndarë gjatë Luftës së Ftohtë, shumë interpretues në skenë mbanin nuancat blu dhe të verdhë, raporton Reuters.
Muzikantët përfshinin Natalia Klitschko, një këngëtare ukrainase e martuar me kryetarin e bashkisë së Kievit, Vitali Klitschko.
Jamala, një këngëtare ukrainase që fitoi Eurovision Song Contest me këngën e saj "1944" në vitin 2016, u transmetua përmes videolidhjes në një ekran të madh, duke u thënë të pranishmëve se “muzika është një forcë paqësore”.
“Unë mendoj se nëse të gjithë muzikantët do të bashkoheshin, do të ishte ushtria më e fortë e paqes në botë”, i tha ajo turmës.
