Kina raporton valë të re pandemie në verilindje të vendit

Numri i rasteve të reja me koronavirus është trefishuar në rajonin verilindor të Kinës, duke detyruar autoritetet e Shangait që të ndërpresin shërbimet e autobusëve. 

Njëherësh, qytetarëve u është bërë thirrje që të qëndrojnë sa më shumë në shtëpi. Ngritja e fundit e rasteve së fundmi në Kinë është një ndryshim i madh krahasuar me vendet e tjera të botës, që kanë shfuqizuar masat pas uljes së madhe të rasteve. Por, zyrtarët kinezë kanë thënë se nuk do të kenë fare tolerancë, duke mbyllur edhe qytete të tëra pas raportimit për raste të reja. 

Pekini ka thënë se do të vazhdojë strategjinë e luftimit të pandemisë pavarësisht kostos së madhe ekonomike të mbylljes dhe izolimit.