Çdo trup i huaj i mbetur në Afganistan pas afatit të tërheqjes së NATO-s në shtator do të jetë në rrezik si pushtues, i kanë thënë Talibanët BBC-së.
Reagimi i Talibanëve vjen mes raporteve se 1.000 kryesisht trupa amerikane mund të qëndrojnë në Afganistan për të mbrojtur misionet diplomatike dhe aeroportin ndërkombëtar të Kabulit.
Misioni ushtarak 20-vjeçar i NATO-s në Afganistan ka mbaruar.
Por dhuna në vend vazhdon të rritet, me Talibanët që kanë përfituar dhe kanë marrë më shumë territor.
Sipas një marrëveshje me grupin militant, SHBA-ja dhe aleatët e saj të NATO-s ranë dakord të tërhiqnin të gjitha trupat në këmbim të një angazhimi nga Talibanët për të mos lejuar që al-Kaeda ose ndonjë grup tjetër ekstremist të veprojë në zonat që ata kontrollojnë.
Presidenti Joe Biden caktoi si afat 11 shtatorin - 20 vjetorin e sulmeve të 11 shtatorit në SHBA - që trupat amerikane të tërhiqen plotësisht, por raportet sugjerojnë që tërheqja mund të përfundojë brenda ditësh.
Edhe
Përfundon tërheqja amerikane nga Afganistani
Ndërsa forcat afgane përgatiten të marrin përsipër përgjegjësinë e sigurisë vetëm, shqetësimi po rritet për të ardhmen e Kabulit.
Zëdhënësi i Talibanëve, Suhail Shaheen, ka thënë se kapja e Kabulit ushtarakisht nuk ishte "politikë e Talibanëve".
Por duke folur për BBC nga zyra e grupit në Katar, ai ka thënë se asnjë forcë e huaj - përfshirë kontraktorët ushtarakë - nuk duhet të qëndronin në qytet pasi tërheqja të ishte përfunduar.
