Kandidatja republikane kërkon testimin e gjendjes mendore të Bidenit

Ish-guvernatorja e Karolinës Jugore, Nikki Haley, ka ashpërsuar fushatën e saj presidenciale, duke i ftuar konservatorët që t’i besojnë gjeneratës së re të politikanëve. Ajo ka sulmuar presidentin Joe Biden në lidhje me moshën e tij, duke bërë thirrje që të testohen për kompetencë mendore të gjithë politikanët mbi moshën 75-vjeçare në Washington.

Ajo gjithashtu e ka kritikuar për shpenzimet federale që kanë ngritur borxhin e SHBA-së. Haley gjithashtu ka premtuar përkrahje më të madhe ushtarake dhe se do të refuzojë t’i ndihmojë shtetet që e urrejnë Amerikën.

Të gjithë republikanët që do të zyrtarizojnë kandidaturat e tyre, do të përballen me ish-presidentin Donald Trump, i cili është favorit për të fituar kandidaturën e partisë republikane për zgjedhjet presidenciale të vitit 2024.