Kryeministri i Mbretërisë së Bashkuar Boris Johnson foli me presidentin ukrainas Zelenskyy këtë pasdite.
Një zëdhënës i kryeministrit tha se Johsnon lavdëroi presidentin dhe popullin ukrainas për qëndrueshmërinë e tyre.
“Kryeministri tha se veprimet barbare të Putinit po testojnë jo vetëm Ukrainën por gjithë njerëzimin. Udhëheqësit dënuan vrasjet e Brent Reynaud dhe ukrainasve të panumërt të pafajshëm si dhe rrëmbimin e kryebashkikakëve të Dniprorudne dhe Melitopol. Kryeministri nënvizoi mbështetjen që Mbretëria e Bashkuar vazhdon t’i jap Ukrainës”, citohet të ketë thënë ai.
Ai tha se Johnson ka thënë se Mbretëria e Bashkuar do të vazhdojë të ndjekë më shumë opsione për të forcuar vetëmbrojtjen e Ukrainës, duke punuar me partnerët, përfshirë takimin e së martës së Forcave të Përbashkëta Ekspeditore në Londër.
“Kryeministri tha se Mbretëria e Bashkuar do të vazhdojë të qëndrojë prapa Ukrainës në të gjitha përpjekjet e saj për t’i dhenë fund këtij konflikti katastrofik”, ka thënë ai.