Sekretari britanik për Brexit-in, Stephen Barclay, do të zhvillojë bisedime me kryenegociatorin e Bashkimit Evropian, Michel Barnier.
Takimi do të zhvillohet pasi presidenti në largim i Komisionit Evropian, Jean-Claude Juncker, tha se një marrëveshje e re daljes së Britanisë së Madhe nga BE-ja mund të arrihet përpara afatit të 31 tetorit.
Kryeministri britanik, Boris Johnson, tha se nuk dëshiron të "ekzagjerojë", por disa përparime në këtë proces janë duke ndodhur, transmeton rel.
Sidoqoftë, ministri i Jashtëm i Irlandës, Simon Coveney, tha se ekziston ende një "boshllëk i madh" midis dy palëve.
Përpara takimit në Bruksel, Barclay paralajmëroi BE-në kundër një qasje "të ngurtë" dhe sugjeroi që detajet përfundimtare të një alternative për çështjen e kufirit irlandez, mund të mos ketë nevojë të zgjidhen deri në fund të vitit 2020.
Çështja e kufirit irlandez ka qenë problemi kryesor që procesi ka ngecur, dhe ende nuk ka një marrëveshje të votuar në parlamentin britanik për Brexit-in.
