Një dron nga Izraeli ka goditur një veturë në Liban të shtunën në mëngjes, duke vrarë tre pjesëtarë të Hezbollahut.
Katër pjesëtarë të tjerë u vranë në një sulm mbi një shtëpi në Ramia gjatë natës, raportoi AP.
Agjencia Kombëtare e Lajmeve në Liban ka raportuar se sulmi i fundit goditi një veturë, ndërsa ushtria izraelite ka thënë po ashtu se kishte goditur një automjet.
Sipas ushtrisë izraelite, në automjet ishin një numër terroristësh që lëshonin raketa në territorin e Izraelit. Shtoi se militantët operonin nën një grup të lidhur me Iranin e që operon nën Hezbollahun.
Hezbollahu lajmëroi vdekjen e shtatë luftëtarëve të tij, pa dhënë detaje shtesë.
Grupi militant ka shkëmbyer zjarr me forcat e Izraelit përgjatë kufirit Liban-Izrael që nga fillimi i luftës së Izraelit ndaj Hamasit në Gaza.
