Sulmet izraelite goditën pranë disa spitaleve në qytetin e Gazës të premten herët, teksa ushtria u fut më thellë në lagjet e dendura urbane në betejën e saj me militantët e Hamasit, duke bërë që një numër në rritje i civilëve të ikin drejt jugut të territorit të rrethuar.
Izraeli ka akuzuar luftëtarët e Hamasit se fshihen në spitale dhe përdorin kompleksin e spitalit Shifa, si qendrën e tyre kryesore komanduese.
Kjo është mohuar nga grupi militant dhe stafi i spitalit, të cilët thonë se Izraeli po krijon një pretekst për ta goditur atë.
Një i madh i banorëve që kanë jetuar përreth spitalit Shifa, më i madhi i Gazës, nuk janë zhvendosur, duke shpresuar se aty do të jetë më sigurt se në shtëpitë e tyre apo strehimoret e Kombeve të Bashkuara në veri, disa prej të cilave janë goditur vazhdimisht.
Trupat izraelite ishin rreth 3 kilometra larg nga spitali. Sipas kreut të zyrës së mediave të drejtuar nga Hamasi në Gaza, Salama Maarouf, mëngjesin e së premtes, Izraeli goditi oborrin e Shifas dhe departamentin e obstetrikës./ AP
-
Izraeli vazhdon sulmin në spitalin më të madh në Gaza
-
Palestinezët largohen nga qyteti i Gazës, ndërkohë që Izraeli vazhdon sulmet
-
Të paktën 32 të vdekur nga sulmet e reja izraelite mbi qytetin e Gazës
-
Goditet spitali në Gaza nga një sulm ajror izraelit
-
Ushtria izraelite sulmon një spital në Gazë, dëbon edhe stafin mjekësor