-
Përktheu:
Flutura Gashi-Mehmeti
- 14 shtator 2025 12:03
- Shpërndaje në:
Një breshëri sulmesh ajrore izraelite ka lënë të vrarë të paktën 32 persona në të gjithë qytetin e Gazës të dielën.
Midis të vdekurve janë 12 fëmijë, sipas morgut në Spitalin Shifa, ku janë dërguar trupat, raporton AP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIzraeli gjatë ditëve të fundit ka intensifikuar sulmet në të gjithë qytetin e Gazës, duke shkatërruar shumë ndërtesa të larta dhe duke akuzuar Hamasin për vendosjen e pajisjeve të mbikëqyrjes në to.
Të shtunën, ushtria ka thënë se ka goditur një tjetër ndërtesë të lartë të përdorur nga Hamasi në zonën e qytetit të Gazës. Ajo i ka urdhëruar banorët të largohen, pjesë e një ofensive që synon të marrë kontrollin e qytetit më të madh të territorit të Gazës, i cili thuhet se është bastioni i fundit i Hamasit.
Qindra mijëra njerëz mbeten atje, duke luftuar në kushte urie.
Një nga sulmet gjatë natës dhe në mëngjesin e hershëm të së shtunës goditi një shtëpi në lagjen Sheikh Radwan, duke vrarë një familje me 10 anëtarë, përfshirë një nënë dhe tre fëmijët e saj, kanë thënë zyrtarët e shëndetësisë.
Shoqata Palestineze e Futbollit ka thënë se një lojtar i Klubit Sportiv Al-Helal, Mohammed Ramez Sultan, është vrarë në sulme me 14 anëtarë të familjes së tij.