Izraeli ka ndryshuar shifrat e të vrarëve nga sulmet e Hamasit një muaj më parë, duke e zbritur numrin nga 1400 në 1200, ka bërë të ditur një zëdhënës i Ministrisë së Jashtme të Izraelit.
“Ky është numri i përditësuar”, ka thënë Lior Haiat për AFP-në. “Është për shkak të faktit se kishte shumë kufoma të paidentifikuara dhe tani mendojmë se ato u përkasin terroristëve... s’janë viktima izraelite”.
Izraeli pati thënë më herët se Hamasi ka vrarë mbi 1400 persona, shumica civilë, në sulmet e 7 tetorit.
Izraeli është zotuar se do të shkatërrojë Hamasin dhe që nga 7 tetori ka sulmuar vazhdimisht Rripin e Gazës nga toka dhe ajri.
Ndërkaq, sipas Ministrisë së Shëndetësisë në Gazën e udhëhequr nga Hamasi, mbi 11.000 palestinezë janë vrarë që nga nisja e luftës.
-
Mbi 1.400 izraelitë të vrarë nga sulmet e Hamasit
-
Kalon 70-mijëshin numri i palestinezëve të vrarë nga sulmet izraelite që nga nisja e luftës
-
Gjashtë të vdekur nga sulmi në Jerusalem, Hamasi përgëzon sulmuesit
-
Të paktën 25 të vrarë nga sulmet izraelite në Rripin e Gazës
-
39 të vdekur nga sulmet izraelite në Gaza