Izraeli ka thënë se do të lejojë dy kamionë me karburant në ditë të hyjnë në Rripin e Gazës, pas presionit për ta bërë këtë nga SHBA-ja.
Një zyrtar i Departamentit Amerikan të Shtetit ka thënë se rreth 140,000 litra karburant do të lejohen çdo dy ditë.
Shumica e karburantit është menduar për kamionët që shpërndajnë ndihma, si dhe për mbështetjen e OKB-së në sigurimin e ujit dhe kanalizimeve, ka shtuar zyrtari.
Pjesa tjetër është për shërbimet e telefonisë celulare dhe internetit, të cilat ishin ndërprerë për shkak të mungesës së karburantit, raportoi BBC.
Të premten, kompania që ofron komunikimet në Gazë ka thënë se shërbimet e saj po ktheheshin pasi kishin marrë pak karburant nëpërmjet Unrwa, agjencia e OKB-së për refugjatët palestinezë.
Zyrtari amerikan ka theksuar se Washingtoni ushtroi presion të konsiderueshëm mbi Izraelin për ta shtyrë këtë marrëveshje të karburantit.
Edhe
Kamioni i parë me karburant hyn nga Egjipti në Rripin e Gazës
Marrëveshja ishte rënë dakord në parim javë më parë, shtoi zyrtari, por u vonua nga Izraeli për dy arsye. Zyrtarët izraelitë i thanë SHBA-së se karburanti nuk kishte mbaruar në të vërtetë në Gazën jugore, dhe ata gjithashtu donin të prisnin dhe të shihnin nëse mund të negocionin fillimisht një marrëveshje pengjesh.
