Në ushtrinë izraelite kanë njoftuar të martën se janë identifikuar raketa të lëshuara nga Irani, dy orë pasi armëpushimi i shpallur nga presidenti i Shteteve të Bashkuara të Amerikës, Donald Trump, ka hyrë në fuqi, raporton AP.
Ministri izraelit i Mbrojtjes, Israel Katz, ka deklaruar të martën se i ka urdhëruar Forcat Mbrojtëse të Izraelit që “t’i përgjigjen fuqishëm shkeljes së armëpushimit nga ana e Iranit, me sulme intenzive kundrejt shënjestrave të regjimit në zemër të Teheranit”, ka raportuar BBC.
Sipas ushtrisë izraelite, sistemet e mbrojtjes ajrore janë “në funksion për të ndërprerë kërcënimin”, teksa qytetarëve u është kërkuar të futen në strehimore dhe të qëndrojnë aty deri në njoftimin e radhës.
Detajet mbi sulmin e raportuar me raketa mbeten ende të paqarta, kurse nuk ka konfirmim nga ana e Iranit për këtë sulm.
Ky zhvillim ka ndodhur pasi zyrtarët izraelitë kanë deklaruar se e kanë pranuar armëpushimin.
Më herët, ministri i Jashtëm i Iranit, Abbas Aragchi, ka thënë se vendi i tij do të ndalojë sulmet me kushtin që Izraeli të veprojë njësoj.
Armëpushimi i Trumpit nuk zgjat as dy orë
-
Astrofizikani shqiptar i tregon efektet e bombës atomike, prej kur lëshohet deri te shkatërrimi
-
Çka dihet për marrëveshjen e armëpushimit Izrael-Iran
-
Irani dhe Izraeli ndalin sulmet ndaj njëri-tjetrit
-
Izraeli dhe Irani shkëmbejnë sulme, rrezikojnë ta çojnë rajonin përsëri në luftë
-
Irani lëshon raketa drejt Izraelit, për herë të parë që nga prilli