Ushtria izraelite ka thënë të dielën se sulmet e saj kanë vrarë 40 zyrtarë të lartë ushtarakë iranianë, përfshirë shefin e Shtabit të Forcave të Armatosura, Abdolrahim Mousavi. As Irani, as SHBA-ja nuk e kanë komentuar deklaratën.
Deklarata vjen pas njoftimit të presidentit amerikan, Donald Trump, të shtunën se sulmi i përbashkët izraelito-amerikan kishte vrarë liderin suprem të Iranit, Ayatollah Ali Khamenei.
Ushtria izraelite po ashtu njoftoi se sulmet kishin vrarë edhe zyrtarë të tjerë të lartë të mbrojtjes iraniane gjatë takimeve, përfshirë ministrin e Mbrojtjes Aziz Nasirzadeh dhe gjeneralin e Gardës Revolucionare, Mohammad Pakpour. Nuk ka pasur komente nga Irani apo SHBA-ja mbi këto raporte.
Paraardhësi i Mousavit, Mohammad Bagheri, u vra gjithashtu nga sulmet izraelite gjatë luftës së qershorit të vitit të kaluar.
Trumpi thotë se janë eliminuar 48 udhëheqës iranianë, Teherani zotohet për hakmarrje
Irani ka konfirmuar të dielën vdekjen e liderit të tij suprem, Ayatollah Ali Khamenei, nga sulmet...-
Klerikët iranianë thonë se udhëheqësi i ri suprem është zgjedhur, s’japin emër
-
SHBA-ja thotë se ka vrarë 49 udhëheqësit më të lartë iranianë e fundosi 11 anije
-
Këto janë figurat e larta iraniane të vrarë nga sulmet e SHBA-së dhe Izraelit
-
Irani konfirmon vdekjen e Khameneit
-
Irani konfirmon vrasjen e ministrit të Mbrojtjes dhe shefit të Shtabit