Irani vazhdon të jetë pjesë e marrëveshjes bërthamore të vitit 2015, pavarësisht se është tërhequr nga angazhimet që i kërkon ajo, tha zëdhënësi i Ministrisë së Jashtme iraniane, Abbas Musavi.
“Teherani mbetet në marrëveshje. Pretendimet e fuqive evropiane se Irani shkel marrëveshjen, janë të pabazuara”, tha Musavi në një konferencë për media, të hënën në Teheran.
Më herët, Irani ka thënë se nuk e konsideron më veten të obliguar nga marrëveshja.
Kjo marrëveshje është arritur midis Republikës Islamike dhe fuqive botërore, por Shtetet e Bashkuara janë tërhequr nga ajo në maj të vitit 2018 dhe kanë rikthyer sanksione të ashpra ekonomike kundër Iranit.
Që atëherë, Teherani ka ndërprerë gradualisht angazhimet e tij me marrëveshje.
Nënshkrueset evropiane të marrëveshjes, Gjermania, Britania dhe Franca, kanë njoftuar ditë më parë se kanë aktivizuar mekanizmin e mosmarrëveshjes brenda marrëveshjes, gjë që mund të çojë edhe në sanksione të Kombeve të Bashkuara kundër Iranit.
-
Irani shpall zyrtarisht përfundimin e marrëveshjes bërthamore
-
Irani fajëson SHBA-në për vonesën e bisedimeve mbi marrëveshjen bërthamore
-
Irani nuk do të flasë për marrëveshjen bërthamore derisa SHBA-ja t’ia heqë sanksionet
-
Fuqitë evropiane reagojnë ndaj Iranit
-
Irani vë kushte për bisedimet rreth programit bërthamor