Irani vazhdon të këmbëngul në kërkesat e tij për hapjen e ngushticës shumë të rëndësishme të Hormuzit.
Zëdhënësi i ministrisë së Jashtme iraniane, Esmail Baghaei, ka thënë se Irani nuk do ta rihapë Hormuzin derisa Shtetet e Bashkuara të plotësojnë kushtet e Teheranit.
“Është pala amerikane ajo që duhet të ndalojë dhe të korrigjojë veprimet e saj të paligjshme dhe shkatërruese”, ka thënë të hënën Esmail Baghaei, duke iu referuar bllokadës amerikane ndaj porteve iraniane.
Irani kërkon që SHBA-ja të heqë bllokadën, të paguajë kompensim për dëmet e shkaktuara nga muajt e luftës, të heqë sanksionet ekonomike dhe të zhbllokojë asetet e ngrira të Iranit.
Mbyllja e Ngushticës së Hormuzit, një rrugë ujore përmes së cilës normalisht transportohet rreth një e pesta e furnizimeve të naftës që tregtohen në botë, ka krijuar pasoja të rënda në botë.
Ngërçi ka bërë që çmimet e energjisë të mbeten një nga çështjet kryesore të politikës amerikane përpara zgjedhjeve të mesmandatit që mbahen këtë nëntor.
Edhe
Irani thotë se po finalizon me Omanin rrugë të reja përmes Ngushticës së Hormuzit
Irani po zhvillon bisedime të veçanta me Omanin për kalimin përmes ngushticës, duke përfshirë mundësinë e krijimit të përkohshëm të një korridori për transportin detar.
Megjithatë, Teherani ka deklaruar se çdo rihapje e vërtetë e ngushticës varet nga negociatat me SHBA-në.
-
Udhëheqësit e Iranit mendojnë se e kanë mbështetur për muri Trumpin, por strategjia e tyre mbart rreziqe të mëdha
-
Bëhet i ditur ekipi amerikan negociues, e Irani ende s’e ka konfirmuar pjesëmarrjen
-
SHBA-ja thotë se Irani ka goditur një anije, ndalen evakuimet e anijeve nga Hormuzi
-
Ministri gjerman fajëson “luftën e papërgjegjshme” të Trumpit për ngadalësimin ekonomik