-
Përktheu:
Flutura Gashi-Mehmeti
- 24 gusht 2025 14:35
- Shpërndaje në:
Udhëheqësi suprem i Iranit, Ajatollah Ali Khamenei, ka thënë se situata aktuale me Shtetet e Bashkuara është "e pazgjidhshme" dhe se Teherani nuk do t'i nënshtrohet kurrë presionit për t'iu bindur Uashingtonit, mes një ngërçi me fuqitë perëndimore mbi programin e tij bërthamor, raportuan mediat shtetërore të dielën.
Republika Islamike pezulloi negociatat bërthamore me Shtetet e Bashkuara pasi SHBA-ja dhe Izraeli bombarduan vendet e saj bërthamore gjatë një lufte 12-ditore në qershor, raporton Reuters.
Komentet e Khameneit vijnë pasi Irani dhe fuqitë evropiane ranë dakord të premten të rifillojnë bisedimet për të provuar të rifillojnë negociatat e plota mbi frenimin e punës së pasurimit bërthamor të Teheranit.
"Ata duan që Irani t'i bindet Amerikës. Kombi iranian do të qëndrojë me të gjithë fuqinë e tij kundër atyre që kanë pritje kaq të gabuara", është raportuar të ketë thënë Khamenei.
"Njerëzit që na kërkojnë të mos lëshojmë slogane kundër SHBA-së ... të kemi negociata të drejtpërdrejta me SHBA-në shohin vetëm pamjen e jashtme. Kjo çështje është e pazgjidhshme", ka shtuar ai.
Franca, Britania dhe Gjermania kanë thënë se mund të riaktivizojnë sanksionet e Kombeve të Bashkuara ndaj Iranit sipas një mekanizmi të quajtur "kthimi në kohë" nëse Teherani nuk kthehet në tryezën e bisedimeve.
Shtetet evropiane, së bashku me SHBA-në, thonë se Irani po punon drejt zhvillimit të armëve bërthamore. E Irani thotë se është i interesuar vetëm në zhvillimin e energjisë bërthamore.