Influenceri meksikan Cesar Gastelum, i ndjekur nga rreth 600 mijë persona në TikTok, është vrarë me armë zjarri teksa po transmetonte drejtpërdrejt pranë një restoranti në qytetin Culiacan, në veriperëndim të Meksikës.
Sipas mediave lokale, Gastelum ndodhej jashtë një lokali së bashku me disa miq, kur dy persona të maskuar, të cilët lëviznin me motoçikletë, iu afruan grupit. Në pamjet e transmetimit live shihet momenti kur njëri prej tyre nxjerr armën dhe qëllon disa herë ndaj influencerit nga një distancë shumë e afërt.
Gastelum humbi jetën në vendin e ngjarjes, ndërsa autorët u larguan menjëherë pas sulmit. Policia ka nisur hetimet për zbardhjen e rrethanave dhe identifikimin e tyre.
KUJDES - PAMJE TË RËNDA:
🚨💥¡LO MARON MIENTRAS TRANSMITÍA EN VIVO!, Asesinan a balazos al influencer César Gastélum mientras hacía una transmisión en vivo desde en el Desarrollo Urbano Tres Ríos, en Culiacán. El trágico momento quedó grabado ya que el creador de contenido estaba completamente en directo pic.twitter.com/ZZfE2k1uTr
Vrasja ndodh në një kohë kur Culiacani, kryeqendra e shtetit të Sinaloas, vazhdon të jetë një nga qytetet më të goditura nga dhuna e lidhur me kartelet e drogës, të cilat prej kohësh përplasen për kontrollin e territorit.
Ky nuk është rasti i parë kur një figurë e njohur në rrjetet sociale vritet gjatë një transmetimi të drejtpërdrejtë në këtë qytet. Në maj të vitit 2025, edhe influencerja Valeria Marquez u vra gjatë një transmetimi live në TikTok, në një ngjarje që, sipas hetimeve, dyshohet se ishte urdhëruar nga një drejtues karteli për motive personale.
-
Qyteti meksikan i kthyer në zonë lufte nga përplasja mes fraksioneve brenda kartelit të drogës
-
Të paktën 73 të vdekur në aksionin ushtarak ku u vra bosi i drogës “El Mencho”
-
Shpërthen dhuna në Meksikë pas vrasjes së bosit të drogës “El Mencho”
-
Të paktën 11 të vrarë nga një sulm i armatosur në Meksikë
-
Vritet një kryebashkiak në Meksikë gjatë festimit të Ditës së të Vdekurve