Bruksel, 31 tetor – Rritja ekonomike në eurozonë vazhdon të mbetet e qëndrueshme në tremujorin e tretë, por në një nivel të ulët me 0,2 %, sipas vlerësimeve të para të Zyrës Europiane të Statistikave, Eurostat, shenjë kjo e një amullie ekonomike në Europë.
Një tjetër motiv shqetësimi është edhe norma e inflacionit, që u ngadalësua në 0,7 % në tetor, shumë poshtë objektivit të Bankës Qendrore Europiane, e cila synon një nivel pak më poshtë se 2 %.
Mosmarrëveshjet tregtare, si edhe pasiguria e Brexitit, prej disa muajsh kanë pasur një ndikim në aktivitetin ekonomik, veçanërisht mbi fuqitë eksportuese siç është Gjermania, industria prodhuese e së cilës po hyn në një fazë recesioni/AFP.
Artikuj të ngjashëm
-
Punësimi i emigrantëve në BE arrin nivelin më të lartë historik
-
Çmimet “në qiell”, pagat e pensionet kërkohet të përshtaten me inflacionin
-
Çmimet në qershor u rritën 6 për qind krahasuar me vitin që shkoi
-
BQK parashikon ngadalësim të rritjes ekonomike e përshpejtim inflacioni
-
Banka Qendrore Evropiane rrit normat e interesit në Eurozonë