Hezbollahu sulmon me dron veriun e Izraelit, plagosen dy ushtarë

Grupi militant libanez Hezbollah ka njoftuar se ka lansuar një sulm me dron të hënën në mëngjes në veri të Izraelit, ku si pasojë janë lënduar dy ushtarë izraelitë, raporton agjencia “AP”. 

Ky sulm erdhi pas rritjes së frikës për një luftë rajonale pas vrasjeve të javës së kaluar të komandantit të lartë të Hezbollahut, Fouad Shukur në Liban dhe liderit politik të Hamasit, Ismail Haniyeh në Iran. 

Hezbollahuu që mbështetet nga Irani ka thënë se ka shënjestruar një bazë ushtarake në veri të Izraelit në reagim ndaj “sulmeve dhe vrasjeve” nga Izraeli në disa fshatra në jug të Libanit.