Gjermania shënoi të premten 60-vjetorin e ditës kur autoritetet në Gjermaninë Lindore e nisën ndërtimin e Murit të Berlinit, ku vdiqën së paku 140 persona në përpjekjet mbi tridekadëshe për ikje drejt Perëndimit.
Presidenti gjerman, Frank-Walter Steinmeier, e quajti ndërtimin e murit nga 13 gushti i 1961-s e tutje, si fillimin e fundit të regjimit komunist, i cili insistoi asokohe se ngritja e tij kishte për synim mbrojtjen e vendit nga fashizmi.
Muri i Berlinit u shtri në një shteg prej 155 kilometrash, duke e rrethuar Berlinin e Perëndimit krejt deri në vitin 1989, kur autoritetet në Gjermaninë Lindore u pajtuan për hapjen e kalimeve si pasojë e protestave masive.
Brenda një viti, Perëndimi dhe Lindja e Gjermanisë u ribashkuan.
Steinmeieri u bëri thirrje gjermanëve të mos i harrojnë përjetimet e asaj periudhe dhe i nxiti që të marrin më aktivisht pjesë në demokraci, duke përshirë daljen për votim në zgjedhjet kombëtare të muajit të ardhshëm.
-
31 vjet nga bashkimi i Gjermanisë
-
60-vjetori i ndërtimit të Murit të Berlinit
-
31 vjet nga rënia e Murit të Berlinit, simbolit të Luftës së Ftohtë
-
Ish-oficeri gjerman del në gjyq për vrasjen e një polaku 50 vjet më parë
-
Merz: Shpresojmë të diskutojmë për bashkëpunimin e mëtejmë të Ballkanit Perëndimor në BE