Gjermania po rikthen përpjekjet për të blerë raketa lundruese Tomahawk nga SHBA-ja, ka raportuar Financial Times të dielën, duke cituar njerëz që kanë njohuri për strategjinë.
Berlini zyrtar shpreson të bindë administratën Trump që të bjerë dakord për shitjen e Tomahawk-ëve së bashku me lëshuesit e tyre tokësorë Typhon, ka thënë gazeta.
Ministri i Mbrojtjes i Gjermanisë, Boris Pistorius, po planifikon një udhëtim në Uashington, raporton më tej FT, në një përpjekje për të ringjallur propozimin e Berlinit për të blerë sisteme me rreze të gjatë veprimi, i cili u paraqit për herë të parë në korrik të vitit të kaluar. SHBA-ja ende nuk është përgjigjur.
Megjithatë, vizita varet nëse Pistorius mund të sigurojë një takim me Pete Hegseth, homologun e tij amerikan, kanë thënë burime të paidentifikuara për FT.
Raketa Tomahawk për sulm tokësor është një raketë lundrimi me rreze të gjatë veprimi që zakonisht lëshohet nga deti për të sulmuar objektivat në misione sulmi të thella.
Në shkurt, Pentagoni ka thënë se kishte nënshkruar një marrëveshje shtatëvjeçare me Raytheon (RTX.N), për të rritur prodhimin e Tomahawk, pasi rezervat e saj janë varfëruar nga lufta me Iranin.
-
Gjermania planifikon të blejë edhe 15 avionë luftarakë F-35 nga SHBA-ja
-
Shefi i Pentagonit flet për fuqizim ushtarak të Ukrainës
-
Trumpi thotë se mund të dërgojë “Tomahawk” në Ukrainë
-
Dy dronë shihen mbi një bazë ushtarake gjermane, disa ditë pas incidentit me bombë në Leipzig
-
Gjermania do të vendosë sistemin e mbrojtjes ajrore "Patriot" në Turqinë juglindore