Gjermania është shprehur e gatshme t'i pranojë dezertorët rusë, raportoi AFP-ja të enjten.
Ministrja e Brendshme, Nancy Faeser, deklaroi se rusët që po i frikësohen përfshirjes nga mobilizimi e ri, i urdhëruar nga presidenti Vladimir Putin, mund të marrin mbrojtje ndërkombëtare në Gjermani.
“Dezertorët e kërcënuar me represion serioz mund të marrin mbrojtje ndërkombëtare në Gjermani”, tha Faeser, përcjell AFP-ja.
Qëkur Putini dha urdhër për mobilizim të ri, me synimin të angazhojë 300.000 rezervistë për luftën ndaj Ukrainës, mijëra rusë po ikin nga vendi. Kolona të gjata janë regjistruar nëpër pikat kufitare të Rusisë. Po ashtu, edhe fluturimet janë shpeshtuar drejt vendeve ku rusët nuk kanë nevojë për viza, si në Turqi, Emirate të Bashkuara Arabe e Serbi.
-
Rusia ofron para, liron të burgosur dhe josh të huaj për t’i plotësuar trupat e veta në Ukrainë
-
Rusia thotë se është e hapur për dialog me Evropën, por refuzon ultimatumet
-
Ukraina dhe Rusia shkëmbejnë nga 185 të burgosur lufte
-
Gjermania fajëson Rusinë pasi dështoi të sigurojë një vend në KS të OKB-së
-
Gjermania thotë se po hapet një dritare për dialog mes Evropës dhe Rusisë për Ukrainën