Gjashtë persona janë gjetur të vdekur brenda një vagoni treni mallrash në një qytet të Teksasit përgjatë kufirit jugor të dielën, kanë thënë zyrtarët.
Trupat janë gjetur në një tren të Union Pacific në Laredo, rreth 160 milje në jug të San Antonios, ka bërë të ditur Jose Espinoza, një oficer i informacionit publik në Departamentin e Policisë së Laredos.
Rrethanat e vdekjes së tyre janë të panjohura, ka thënë zëdhënësi i policisë së Laredos, Joe Baeza, raporton CNN, teksa një hetim është duke u zhvilluar.
Union Pacific operon përtej kufirit dhe është e vetmja hekurudhë që shërben të gjitha pikat e hyrjes në Meksikë, sipas faqes së internetit të kompanisë së mallrave.
Temperaturat të dielën pasdite në Laredo ishin të larta, megjithëse nuk është e qartë nëse nxehtësia ishte një faktor.
Union Pacific ka thënë se ishte e trishtuar nga incidenti dhe po punon ngushtë me zbatimin e ligjit për të hetuar.
Edhe
Treni del nga shinat në Meksikë, 13 të vdekur e rreth 100 të lënduar
Policia e Laredos ka thënë se kishte marrë një telefonatë rreth orës 3:00 pasditen e së dielës nga një punonjës në kantierin hekurudhor Union Pacific.
Trupat janë zbuluar gjatë një inspektimi rutinë të vagonëve të trenit, ka thënë policia. Nuk është gjetur asnjë i mbijetuar.
