Dy trupat e fundit të zhytësve italianë të vdekur në aksidentin më vdekjeprurës të zhytjes në Maldive janë gjetur, ka bërë të ditur një zëdhënës i qeverisë të mërkurën, duke përfunduar operacionin e kërkimit.
Zhytësit ishin në mesin e një grupi prej pesë personash që kanë hyrë në një shpellë të thellë për eksplorim javën e kaluar, pasi iu dha leja e nevojshme për të hulumtuar koralet e buta në vendin Devana Kandu.
Autoritetet maldive po hetojnë shkaqe e mundshme që quan në vdekjen e tyre, duke përfshirë edhe nëse grupi u zhyt shumë më thellë se sa pritej.
"Një identifikim paraprak ka konfirmuar identitetin e italianëve dhe puna do të vazhdojë për ta konfirmuar atë nëpërmjet ADN-së nëpërmjet Interpolit dhe partnerëve të tjerë", ka thënë zëdhënësi Mohamed Hussain Shareef për Reuters.
"Ndërkohë, të gjithë trupat do të riatdhesohen në Itali", ka thënë ai, duke shtuar se autoritetet e Maldiveve do të vazhdojnë hetimet për të "gjetur faktet e asaj që ka ndodhur".
Grupi drejtohej nga Monica Montefalcone, 51 vjeç, profesoreshë e Universitetit të Gjenovës dhe ekologe detare, e cila ishte zhytëse e rregullt në ujërat e Maldiveve në Oqeanin Indian, si dhe vajza e saj.
Edhe
Gjenden trupat e zhytësve italianë të zhdukur në Maldive
Trupi i instruktorit të grupit është gjetur të premten, dhe mbetjet e dy zhytësve të tjerë janë gjetur të martën, pasi një ekip specialistësh nga Finlanda u angazhua për të ndihmuar në përpjekjet.
Një zhytës i Forcave Kombëtare të Mbrojtjes së Maldiveve që merrte pjesë në kërkim vdiq gjithashtu nga sëmundja e dekompresionit, ndërsa zhytësit përpiqeshin të gjenin trupat të shtunën.
