Me ceremoni të ndryshme, Franca ka shënuar të enjten gjashtëvjetorin e sulmeve në zyrën e revistës satirike “Charlie Hebdo” dhe në një supermarket në Paris, gjatë së cilave sulmues të armatosur kishin qëlluar për vdekje 15 persona në janarin e 2015-s.
Ministri i Brendshëm francez, Gerald Daemanin, dhe kryebashkiakia e Parisit, Anne Hidalgo, i prinë ceremonisë zyrtare në nderim të viktimave, duke vendosur kurora lulesh para zyrës së “Charlie Hebdo” dhe supermarketit “Hyper Cacher”.
Zyrat e revistës satirike franceze ishin sulmuar më 7 janar 2015 nga vëllezërit Said dhe Cherik Kouachi, të cilët vranë aty 12 persona para se të vriteshin në një sulm policor, dy ditë më vonë në veri të Parisit.
Gjatë dhjetorit, një gjykatë franceze ka dënuar 14 persona për krimet që lidhen me financimin e terrorizmit dhe për pjesëmarrje në bandë kriminale përkitazi me sulmet në Paris.
-
Dënohen bashkëpunëtorët e sulmuesve të Charlie Hebdo
-
Gjykata franceze dënon 14 bashkëpunëtorë të sulmit në “Charlie Hebdo”
-
7 të arrestuar pas sulmit me thika pranë “Charlie Hebdo” në Paris
-
Sulm me thikë pranë “Charlie Hebdo” në Paris, plagosen 4 persona
-
“Charlie Hebdo” ripublikon karikaturat e profetit Muhamed