Grupi i parë prej 2 mijë anëtarëve të bandave është transferuar në burgun gjigant të El Salvadorit. Burgu, 74 kilometra larg kryeqytetit San Salvador, besohet se është më i madhi në Amerikën Latine. Autoritetet kanë bërë të ditur se ka kapacitet për 40 mijë të burgosur, aq sa ka arrestuar shteti në fushatën kundër bandave kriminale.
Burgu i ri përbëhet nga pavijonet e izolimit me kabina metalike dhe qelitë e dënimit, sallat virtuale të gjyqit dhe dy module për fabrikat e destinuara për punën e të burgosurve.
Burgu masiv ka qenë cak i kritikave të ashpra për shkelje të pretenduara të të drejtave të njeriut dhe kontradikta me standardet ndërkombëtare.
Autoritetet kanë arrestuar më shumë se 64 mijë persona, të cilët dyshohet se ishin pjesë të bandave kriminale.
Fushata agresive e shtetit ka nisur në marsin e vitit të kaluar kur brenda një dite u vranë 62 persona nga bandat kriminale.
Edhe
El Salvadori ndërton burgun për 40 mijë persona
Të dhënat zyrtare tregojnë se numri i vrasjeve ka rënë ndjeshëm qëkur nisi fushata kundër bandave.
Në vitin 2022 kishte 615 të vrarë, ndërkaq sivjet janë vetëm 25 persona të vrarë në El Salvador.
-
Megaburgu në El Salvador ku Trumpi do t’i dërgojë imigrantët ilegalë të rrezikshëm
-
El Salvadori angazhon 4 mijë pjesëtarë të forcave të sigurisë
-
Mbi pesë mijë ushtarë për eliminimin e bandave në qytetin e El Salvadorit
-
El Salvadori burgos 2,000 të dyshuar të tjerë që “nuk do të kthehen më kurrë” në rrugë