Ekuadori është duke mbajtur bisedime me Britaninë e Madhe për fatin e themeluesit të WikiLeaks, Julian Assange, që u strehua në ambasadën e Ekuadorit në Londër që prej vitit 2012 ku ai u sigurua politikisht pasi kërkoi azil në Ekuador.
“Çështja e z. Assange është duke u shqyrtuar në bashkëpunim me Qeverinë britanike, dhe unë e kuptoj që ne tanimë kemi krijuar një kontakt me avokatin e z. Assange's kështu që ne do të gjejmë një rrugëdalje”, ka thënë presidenti i Ekuadorit, Lenin Moreno për gazetën spanjolle “El Pais”.
“Z. Assange ka qenë në këtë situatë për më shumë se pesë vjet dhe ne duhet të gjejmë një rrugëdalje për të. Një rrugëdalje që mbron të drejtat e tij, kryesisht të drejtën e tij për jetën dhe e cila në të njëjtën kohë nuk paraqet problem për vendin tonë”, shtoi më tej ai.
Assange, 47, kërkoi strehim në ambasadën e Ekuadorit në Londër në vitin 2012 për të shmangur ekstradimin në Suedi për t'u përballur me akuzat për sulmet seksuale, të cilat ai i mohon.
Programeri kompjuterik australian pretendon se akuzat ishin të motivuara politikisht dhe mund të çonin në ekstradimin e tij në Shtetet e Bashkuara për t'u përballur me burgim lidhur me publikimin e dokumenteve ushtarake amerikane dhe kabllot diplomatike të WikiLeaks në vitin 2010.
Autoritetet suedeze i hodhën hetimet vitin e kaluar, por autoritetet britanike ende duan ta arrestojnë atë për shkelje të rregullave të lirimit me kusht.
Edhe
Presidenti ekuadorian: Assange përdori Ambasadën për “spiunazh”
Në mars, Ekuadori ndaloi kontaktin e Assanget me botën e jashtme, pasi theu një premtim të vitit 2017 për të mos ndërhyrë në çështjet e vendeve të tjera. Assange zemëroi Ekuadorin duke zemëruar qeverinë spanjolle me mbështetjen e tij për udhëheqësit separatistë në rajonin spanjoll të Katalonjës, të cilët kërkonin të shkëputeshin vitin e kaluar.
Moreno, i cili vizitoi Spanjën dhe Britaninë javën e kaluar, tha se zgjidhja “ideale” do të ishte që Assange të pranonte një “dënim” për shkeljen e kushteve britanike të lirimit me kusht dhe pastaj “të ekstradohet në një vend ku ai nuk përballet me asnjë rrezik”.
