Dy emigrantë kanë humbur jetën në Greqi e tetë të tjerë janë shpëtuar, pasi gomonia me të cilin po lundronin u përplas për shkëmbinj në ishullin Lesbos, raporton agjencia “AP”.
Erërat e forta kanë shkaktuar përplasjen e gomones për shkëmbinj, kanë bërë të ditur autoritetet lokale.
Incidenti ndodhi në afërsi të resortit turistik Thermi që gjendet në lindje të Lesbosit dhe është përballë bregdetit të Turqisë.
Autoritetet thanë se kanë nisur kërkimin për të tjerët që besohet se ishin në gomone, por mbetet e paqartë se sa kanë arritur të shpëtojnë.
Erërat e forta kanë penguar trafikun ujor në shumë pjesë të Greqisë të mërkurën.
Ishulli Lesbos mbetet pikë transiti për migrimin ilegal drejt BE-së, përkundër patrullimeve të ashpra nga garda bregdetare greke dhe nga agjencia e BE-së për mbrojtje të kufijve, Frontex.
-
Greqi, tre emigrantë të vdekur pasi gomonja përplaset për një shkëmbi
-
22 migrantë vdesin afër Greqisë pas gjashtë ditësh në det
-
15 të vdekur nga përplasja e një anijeje me emigrantë me një anije patrullimi në Greqi
-
Të paktën 18 migrantë të vdekur nga fundosja e një varke në Detin Mesdhe
-
Shtatë emigrantë të vdekur pasi varka përplaset në shkëmbinj afër Turqisë