Dalin fotografi të britanikut që u dorëzua te rusët, i rrahur dhe i prangosur

Një britanik që luftoi përkrah ukrainasve është kapur dhe rrahur nga forcat pro-ruse, thotë familja e tij, raportoi të premten The Guardian.

Aiden Aslin, i cili është nga Neëark dhe ka luftuar në qytetin e rrethuar të Mariupolit, u detyrua të dorëzohej me shokët e tij në fillim të kësaj jave pasi atyre iu mbaruan ushqimi dhe municioni.

Një imazh që supozohej të tregonte Aslinin e rrahur, të mavijosur dhe të prangosur, u postua në një llogari në Twitter që i përkiste atij të enjten pasdite, shoqëruar me një mesazh që thoshte: "Duket sikur e kanë kapur Aidenin". Imazhet në televizionin rus u shfaqën gjithashtu për të treguar Aslin me një prerje në ballë duke u lëvizur me prangat në duar.

Nëna e tij, Ang Wood, tha për Daily Telegraph se besonte se imazhet ishin të djalit të saj për shkak të një tatuazhi në krahun e tij që thoshte "Happy Days" dhe i bëri thirrje qeverisë ruse që ta trajtonte djalin e saj si rob lufte në përputhje me rregullat ndërkombëtare.

“Tashmë duket se ai është rrahur. Tani është koha që qeveria britanike të përfshihet dhe të ndihmojë në sigurimin e lirimit të Aidenit”, tha ajo.

Edhe Botë 12 pri 2022 Britaniku mbeti pa ushqim, u detyrua t’u dorëzohej rusëve

Aslin ka të fejuarën ukrainase dhe tani ka dy shtetësi, pasi u transferua në Ukrainë në vitin 2018.