Inteligjenca britanike njoftoi se trupat ruse po vazhdojnë të vuajnë nga mungesa e moralit dhe e disiplinës në luftime ndaj Ukrainës. Britania e Madhe, në raportin e përditshëm, tha të dielën se ndër ankesat e ushtarëve rusë janë edhe problemet me paga.
“Në ushtrinë ruse, të ardhurat e trupave përbëhen nga një pagë bazë modeste, e përbërë nga shtesa e shpërblime. Në Ukrainë, ka gjasa që ka pasur probleme të mëdha me mosdhënien e shpërblimeve të konsiderueshme luftarake”, u tha në raport.
Inteligjenca e Britanisë theksoi se kjo problematikë mund të jetë si shkak i burokracisë joefikase, statusit të pazakontë ligjor të “operacionit special ushtarak” dhe “njëfarë korrupsioni mes komandantëve”.
“Ushtria ruse ka dështuar t’i sigurojë të drejtat bazë për trupat e dislokuara në Ukrainë, duke përfshirë uniformën e duhur, armët dhe racionet, si dhe pagesën. Kjo pothuajse me siguri ka kontribuuar në shtimin e moralit të brishtë të pjesës më të madhe të forcës”, u tha tutje.
-
Instituti britanik: Rusia s’ka gjasa t’i përmbushë objektivat në Ukrainë
-
Inteligjenca britanike: Rusët kanë problem me ushtarët e lodhur
-
Britania thotë se Rusia po humb 1 mijë ushtarë në ditë në luftën kundër Ukrainës
-
Inteligjenca britanike: Ka rënë shkalla e vrasjeve së rusëve në Ukrainë
-
Ushtarët rusë po vdesin edhe nga dehja dhe alkooli