Britania e Madhe ia jep Mauritiusit sovranitetin e Ishujve Chagos

Mbretëria e Bashkuar ka njoftuar se po heq dorë nga sovraniteti i një grupi ishujsh të largët por strategjikisht të rëndësishëm në Oqeanin Indian, pas më shumë se gjysmë shekulli.

BBC-ja ka raportuar se marrëveshja e dakorduar pas disa vitesh negociata, do të bëjë që Britania e Madhe t'i dorëzojë ishujt Chagos Mauritius, i konsideruar ky si vendim historik.

Këtu përfshihet atoli tropikal i Diego Garcias, i shfrytëzuar nga qeveria amerikane si bazë ushtarake për anijet e saj të marinës dhe avionët bombardues me rreze të gjatë veprimi.

Negociatat u përmbyllën me deklaratën e përbashkët të dy kryeministrave.

Baza mes Shteteve të Bashkuara dhe Britanisë së Madhe do të mbetet në Diego Garcia, faktor kryesor që mundëson që marrëveshja të lëvizë përpara në një periudhë kur rivalitetit gjeopolitike janë në rritje.

Edhe Botë 11 pri 2026 Britania e Madhe pezullon planin për të hequr dorë nga Ishujt Chagos pas kritikave të Trumpit

“Ky është moment themelor në raportet tona dhe një demonstrim i përkushtimit të qëndrueshëm për zgjidhje paqësore të mosmarrëveshjeve dhe sundimit të ligjit”, thuhet në deklaratën e përbashkët të kryeministrit britanik, Keir Starmer dhe atij të Mauritiusit, Pravind Jugnauth.

Liderët janë zotuar se do të përkushtohen në funksionimin afatgjatë, të sigurt dhe efektiv të bazës aktuale në Diego Garcia, që luan rol jetik në sigurinë rajonale e globale.