-
Përktheu:
Flutura Gashi-Mehmeti
- 30 prill 2024 19:57
- Shpërndaje në:
Sekretari amerikan i Shtetit, Antony Blinken, ka mbërritur në Tel Aviv të martën, për të çuar përpara bisedimet e armëpushimit – të cilat duket të jenë një nga rundet më serioze të negociatave midis Izraelit dhe Hamasit që nga fillimi i luftës, raporton AP.
Marrëveshja synon të lirojë pengjet, të sjellë pak lehtësi për popullatën, të shmangë një ofensivë izraelite në Rafah dhe dëmin e mundshëm për civilët atje.
Kryeministri izraelit, Benjamin Netanyahu u zotua të martën të nisë një inkursion në qytetin jugor të Gazës, Rafah, ku qindra mijëra palestinezë po strehohen nga lufta gati 7-mujore.
Ndërkohë, Blinkeni ka theksuar angazhimin e vazhdueshëm të Amerikës ndaj palestinezëve dhe dërgimit të ndihmave në Gaza.
"Shtetet e Bashkuara mbeten ofruesi më i madh i ndihmës humanitare dhe asistencës në përgjithësi për popullin palestinez. Por ne jemi të vendosur që njerëzit të marrin ndihmën që u nevojitet”, ka theksuar Blinkeni duke folur para gazetarëve në Jordani të martën.
Edhe
Blinkeni arrin në Izrael për t'i nisur bisedimet për armëpushim
Ai ka theksuar gjithashtu rëndësinë e sigurimit të një armëpushimi dhe lirimin e pengjeve si një mënyrë për të "krijuar më së miri një mjedis në të cilin ne mund të maksimizojmë ndihmën për hyrjen, të lehtësojmë vuajtjet e njerëzve dhe gjithashtu të krijojmë kushtet për një paqe të qëndrueshme dhe të qëndrueshme”.
Më herët të martën Blinkeni u takua me Mbretin Abdullah II të Jordanisë dhe koordinatorin e OKB-së për çështjet humanitare dhe rindërtimin për Gazën.
