Presidenti i SHBA-së, Joe Biden, do ta vizitojë New Yorkun dhe New Jerseyn të martën për të shikuar katastrofën e shkaktuar javën e kaluar nga uragani Ida, që ka lënë 57 të vdekur e katër ende janë të zhdukur në lindje të SHBA-së.
Biden do të udhëtojë në Queens të New York Cityt dhe në Maanville të New Jerseyt.
Ai ka aprovuar deklarimin e shpalljes së gjendjes së katastrofës për Louisianan që u godit nga Ida më 29 gusht, dhe për New Yorkun e New Jerseyn, që u përballën me shi të madh dhe me vërshime të shumta.
Shpallja e gjendjes së katastrofës kualifikon shtetet për ndihmë federale për riparim e rindërtim.