New Yorku shpall gjendje emergjente pas goditjes nga stuhia “Ida”

Emergjencë shtetërore është shpallur në New York pasi vendi është goditur nga një shi i rrëmbyeshëm duke shkaktuar vërshime si pasojë e stuhisë tropikale Ida.

Kryebashkiaku Bill de Blasio tha se qyteti po përballet me “ngjarje historike të motit dhe përmbytje brutale dhe kushte të rrezikshme në rrugë”.

Pamjet e publikuara në rrjetet sociale treguan stacione të trenit të mbushura me ujë, shtëpi e rrugë të përmbytura nga uji.

New Jersey gjithashtu shpalli emergjencë dhe raportoi të paktën një të vdekur.

Një person u mbyt në Passaic në New Jersey dhe u shkatërruan nëntë shtëpi.