Disa persona janë lënduar pasi një autobus dykatësh u përplas me një dyqan në lindje të Londrës.
Në vendngjarje janë dërguar ekuipazhet e ambulancës, mjekët ndihmës, një ekip i reagimit ndaj zonave të rrezikshme dhe një ambulancë ajrore.
Shërbimi i Ambulancës në Londër bëri të ditur përmes Twitterit se mjekët po trajtojnë një numër pacientësh në vendngjarje.
Përplasja ndodhi rreth orës 8:20 të mëngjesit të së martës, në Selywn Avenue në Chingford, ndërkohë që një numër rrugësh janë mbyllur rreth kryqëzimit të Selwyn Avenue dhe Winchester Road.
Një zëdhënës i Policisë Metropolitane ka thënë se "hetimet për rrethanat e aksidentit mbeten në vazhdim".
Ndërkaq, i pari i Londrës, Sadiq Khan ka shprehur keqardhjen e tij për rastin, duke thënë se mendimet e tij janë me të lënduarit si pasojë e aksidentit.
-
Zjarr në një ndërtesë në Londër, raportohet për të lënduar
-
Një autobus dhe një aeroplan përplasen në aeroportin e Los Angelesit
-
13 të lënduar pas shembjes së dyshemesë në një bar në Londër
-
Dy trena përplasen me njëri-tjetrin në Londër, ende s’dihet për numrin e të lënduarve
-
Një i lënduar nga aksidenti në Prishtinë