Një aktiviste dhe përkrahëse e liderit të burgosur opozitar në Rusi, është arrestuar në Rusi për shkaqe të panjohura.
Anastasia Vasilyeva, aleate e opozitarit Alexei Navalny, është arrestuar pasi doli nga ordinanca e saj.
Vasilyeva është në mesin e aktivistëve të akuzuar për organizimin e protestave të dhunshme kundër burgosjes së Navalnyt në muajin janar.
Arrestimi i saj u bë vetëm pak ditë pasi shteti rus e cilësoi një televizion të pavarur si agjent i huaj.
Gazetarët e televizionit protestuan jashtë zyrave të redaksisë, duke e akuzuar shtetin rus se ka frikë nga e vërteta dhe drejtësia.
Edhe
I mbijetoi për vite represionit politik në Rusi, deri kur në derë i trokitën burrat e maskuar
Ministria e Drejtësisë në Rusi që prej fillimit të vitit ka vendosur t’i cilësojë si agjent të huaj të gjitha organizatat jo-qeveritare dhe individët që kanë pranuar fonde nga jashtë dhe janë përfshirë në aktivitete politike kundër shtetit.
Televizioni në muajt e fundit ka qenë kritik ndaj arrestimit të aktivistëve dhe vazhdimisht ka transmetuar protestat e opozitës.
