Duke komentuar përshkallëzimin e konfliktit në Lindjen e Mesme, Arabia Saudite njoftoi se do të mbështesë të gjitha vendet arabe, të cilat janë goditur nga Irani si kundërpërgjigje ndaj sulmeve izraelito-amerikane ndaj Teheranit dhe qyteteve të tjera iraniane.
Në një komunikatë për media, autoritetet saudite theksuan se shkelja e sovranitetit të vendeve ka pasoja të rënda dhe të mëdha.
“Mbretëria e Arabisë Saudite dënon fuqishëm dhe mallkon agresionin e dukshëm iranian dhe shkeljen flagrante të sovranitetit të Emirateve të Bashkuara Arabe, Bahrejnit, Katarit, Kuvajtit dhe Jordanisë. Mbretëria konfirmon solidaritetin e plotë dhe mbështetjen e palëkundur për vendet vëllazërore, dhe gatishmërinë për të vendosur të gjitha kapacitetet e saj në mbështetje të të gjitha masave që ato ndërmarrin. Paralajmërojmë për pasojat e rënda që rrjedhin nga shkelja e vazhdueshme e sovranitetit të shteteve dhe parimeve të së drejtës ndërkombëtare”, thuhet në komunikatë.
Në Bahrejn, Irani synoi bazën Juffar, një nga bazat kryesore ushtarake amerikane për operacionet në Lindjen e Mesme, ku ndodhet Komanda Qendrore e Forcave Detare të SHBA-së (NAVCENT) dhe Flota e 5-të e SHBA-së.
Raketat u ndaluan mbi Abu Dhabin, si dhe mbi Dubai, Kuvajt dhe Katar.
Një person humbi jetën gjatë sulmit me raketa mbi Abu Dhabi.
SHBA-ja e Izraeli godasin Iranin, shpallin vrasjen e Khameneit
Shtetet e Bashkuara të Amerikës dhe Izraeli kanë ndërmarrë sulm masiv nga ajri dhe deti në...-
Arabia Saudite dënon sulmet e Iranit ndaj kryeqytetit të saj
-
Sulme të reja mes SHBA-së dhe Iranit, tensionet afrohen drejt një lufte të hapur
-
Irani i kundërpërgjigjet SHBA-së me sulme të reja
-
SHBA-ja shtrin sulmet në veri të Iranit
-
Përshkallëzohet konflikti: SHBA-ja godet Iranin, Teherani kundërpërgjigjet